Slikeb loʼil ta svoʼvokʼal

Kʼalal echʼ xa ox chib u xtuchʼojik jelavel Tsajal nab li j-israeletike, te kʼotik ta vits Sinai. Kʼalal te xa ox oyike, li Jeovae la spas jun trato xchiʼuk j-israeletik sventa xkʼotik ta stʼujbil teklumal. Jaʼ yuʼun, li Jeovae laj yakʼbe skotol li kʼusitik chtun yuʼunike xchiʼuk la xchabi. Laj yakʼbe mana sveʼik, la skʼel ti mu xlaj li skʼuʼ spokʼike xchiʼuk la skʼel lek bu xuʼ xkomik sventa mu kʼusi snuptanike. Mi oy avalab anichʼnabe, koltao ta yaʼibel smelolal ti kʼu yuʼun akʼbatik Mantaletik li j-israeletike, ti akʼbatik li axibalnae xchiʼuk li Paleale. Akʼbo snaʼik ti kʼu yuʼun toj tsots skʼoplal ti xkʼotuk ta pasel kuʼuntik li kʼusi kalojtike, ti skʼan bikʼituk xkakʼ jbatik xchiʼuk ti tukʼuk-o xkakʼ jbatik ta stojolal li Jeovae.