Slikeb loʼil ta xbuluchvokʼal

Li ta jvokʼ xchanobil liʼe, ta jchanbetik batel skʼoplal ta sventa li Tsʼibetik ta Griego Kʼop ti chalbe skʼoplal Kristoe. Ta jkʼeltik ti te vokʼ Jesus ta jun utsʼ alalil ti muʼyuk lek stakʼinike xchiʼuk ti nakalik ta jun uni jteklume, jech xtok la xchiʼin ta abtel ta karpinteroal li stote. Li Jesuse jaʼ jpojvanej kʼot ta stojolal li krixchanoetike, jaʼ li buchʼu stʼujoj Jeova sventa xkʼot ta Ajvalil li ta Ajvalilal ta vinajele. Mi oy avalab anichʼnabe, koltao ta yaʼibel smelolal ti tsots skʼoplal laj yil Jeova ti lekuk ta mantal li stot smeʼ Jesus sventa lekuk stsʼitesat tale. Jech xtok, albo ti chabiat yuʼun Jeova kʼalal chichʼ xa ox milel yuʼun li Erodese. Akʼbeik snaʼ xtok ti persa chkʼot ta pasel li kʼusi oy ta yoʼonton Jeovae. Jech xtok, chanubtasik ti jaʼ laj yichʼ tʼujel yuʼun Jeova li Juan sventa xchapanbe li sbe Jesuse. Li Jesuse ta sbikʼtal onoʼox laj yakʼ ta ilel ti lek chilbe li spʼijil Jeovae xchiʼuk ti jaʼ spatoj yoʼonton ta stojolale.