Slikeb loʼil ta xlajchaʼvokʼal

Li Jesuse laj yalbe skʼoplal li Ajvalilal ta vinajele. Jech xtok, chanubtasvan ti akʼo yichʼ kʼanel ta orasion sventa xichʼ chʼultajesbel sbi li Diose, ti taluk li Ajvalilal yuʼune xchiʼuk ti akʼo kʼotuk ta pasel li kʼusi oy ta yoʼonton tspas liʼ ta balumile. Mi oy avalab anichʼnabe, koltao ta yaʼibel smelolal kʼu yuʼun toj tsots skʼoplal li orasion laj yakʼ ta chanel Jesuse. Li Jesuse muʼyuk laj yakʼ sba ta loʼlael yuʼun li Satanase, yuʼun tukʼ laj yakʼ sba ta stojolal li Jeovae. Ta skoj ti oy ta yoʼonton tskolta li krixchanoetike, la xpoxtaan, la smakʼlinan xchiʼuk oy junantik ti la xchaʼkuxesane. Kʼalal la spas li skʼelobiltak juʼelale, laj yakʼ ta ilel kʼusi tspas ta tsʼakal li Ajvalilal yuʼun Diose.