¿Kʼusi jaʼ li melel ta sventa li Ajvalilal yuʼun Diose?
Li Jesuse xi la xchanubtas li yajchankʼoptak ta spasel orasione: «Jtotik ta vinajel, akʼo yichʼ chʼultajesel li abie. Akʼo taluk li Ajvalilal avuʼune. Akʼo kʼotuk ta pasel avuʼun li kʼusi tskʼan avoʼonton ta sba balumil jech kʼuchaʼal ta vinajele» (Mateo 6:9, 10). ¿Kʼusi jaʼ li Ajvalilal yuʼun Diose? ¿Kʼusi yakal tspas? ¿Kʼu yuʼun skʼan xkaltik li ta j-orasiontike?
Li Jesuse jaʼ li Ajvalil svaʼanoj Diose
Lukas 1:31-33: «Jesus chavakʼbe sbi. Taje mukʼ skʼoplal chbat xchiʼuk chichʼ albel skʼoplal ti jaʼ Xnichʼon li Buchʼu toj toyol oye; jech xtok, te chchotanat yuʼun Jeova Dios li ta xchotleb ajvalil Davide, ti jaʼ stote; vaʼun tsventain sbatel osil li snitilulal Jakobe, muʼyuk bu chlaj skʼoplal li Ajvalilal yuʼune».
Jaʼ mas la xcholbe skʼoplal Ajvalilal yuʼun Dios li Jesuse
Mateo 9:35: «Lik xanavuk ta skotol jteklumetik xchiʼuk ta bikʼtal lumetik li Jesuse, chanubtasvan ta snailtak stsobobbailik xchiʼuk la xcholbe skʼoplal li lekil aʼyejetik ta sventa li Ajvalilale xchiʼuk la xpoxta li buchʼutik oy kʼusi kʼux chaʼiike xchiʼuk li buchʼutik ep ta tos xchamelike».
Li Jesuse laj yakʼbe yil yajchankʼoptak jun senyail ti jutuk xa skʼan xtal li Ajvalilal yuʼun Diose
Mateo 24:7: «Yuʼun chlik skontrain sbaik jujun mukʼta jteklum, chlik skontrain sbaik ajvaliletik, chtal viʼnal xchiʼuk ch-echʼ nikel ta buyuk noʼox».
Li yajchankʼoptak Jesuse yakal chcholik batel ta spʼejel balumil li Ajvalilal yuʼun Diose
Mateo 24:14: «Li lekil aʼyejetik ta sventa li Ajvalilale ta xichʼ cholel ta spʼejel balumil sventa xaʼi skotol li jteklumetike, vaʼun ta xtal li slajebe».