Slikeb loʼil ta yoxlajunvokʼal

Tal yakʼ xkuxlejal ta jtojolaltik li Jesuse. Akʼo mi cham, laj onoʼox stsal li balumile. Bikʼit laj yakʼ sba, yuʼun tun ta stojolal li yantike xchiʼuk la spasanan ta perton, jech-o la spas ti kʼu sjalil kuxi ta balumile. Li Jeovae tukʼ laj yakʼ sba ta stojolal li Xnichʼone, yuʼun la xchaʼkuxes. Kʼalal chaʼkuxi li Jesuse, laj yakʼ sba ta ilel ta stojolal li yajtsʼaklomtak sventa xchanubtasan ta spasel li abtelal ti toj tsots skʼoplal laj yakʼanbe komele. Mi oy avalab anichʼnabe, koltao sventa tsotsuk skʼoplal xilik ek li abtelal akʼbil jbaintike.