Slikeb loʼil ta slajunvokʼal

Li Jeovae jaʼ Ajvalil ta skotol li kʼusitik oye, yuʼun jech-o spasoj tal mantal xchiʼuk jech-o tspas batel. Jech kʼuchaʼal liʼe, jun veltae la spoj Jeremias kʼalaluk laj yichʼ jipel ochel ta jun posoe. Jech xtok, la spoj Sadrak, Mesak xchiʼuk Abednego kʼalal tikʼatik ochel ta jun orno ti tsanal skʼakʼale xchiʼuk la spoj Daniel kʼalaluk laj yichʼ jipel ochel ta xchʼen leonetike. Pe maʼuk noʼox, yuʼun la skolta Ester sventa spoj li steklumale. Li Jeovae muʼyuk ta xakʼ ti te oyuk-o sbatel osil li choplejale. Li albil kʼop ta sventa li jun mukʼta lokʼole xchiʼuk ta sventa li mukʼta teʼe chakʼbutik ta ilel ti poʼot xa slajes skotol choplejal li Ajvalilal yuʼun Diose xchiʼuk ti poʼot xa spas mantal liʼ ta balumile.