Esekiel xkuxlejal xchiʼuk li kʼusi kʼot ta pasel ta skʼakʼalile

Li biil Esekiele jaʼ skʼan xal «tstsatsubtasvan li Diose». Akʼo mi ep pʼijubtasel yichʼoj li albil kʼopetik laj yale, li aʼyej ti tsots skʼoplal laj yale lek tajek sta-o xchiʼuk li smelolal sbie, jech xtok tstsatsubtasbe xchʼunel yoʼonton li buchʼutik tskʼan chichʼik ta mukʼ Diose.

J-ALKʼOPETIK ECHʼ TA SKʼAKʼALIL

• 

  JEREMIAS

  Te likem talel ta jun utsʼ alalil ti jaʼik paleetik xchiʼuk jaʼ te tunik li ta Jerusalene (647-580 m.t.J.).

• 

  ULDA

  Jaʼo chtun ta meʼ j-alkʼop kʼalal la staik ta templo li slivroal Mantale, tetik van ta sjabilal 642 m.t.J.

• 

  DANIEL

  Te likem talel ta snitilulal Juda (ti bu chlik talel li ajvaliletike) xchiʼuk laj yikʼik batel ta Babilonia ta sjabilal 617 m.t.J.

• 

  ABAKUK

  Yaʼeluke, tun ta j-alkʼop ta Juda kʼalal jaʼtik toʼox lik ajvalilajuk li Jeoiakime.

• 

  ABDIAS

  Laj yal albil kʼopetik ta stojolal Edom, jaʼo van laj yal kʼalal laj yichʼ jinesel li Jerusalene.

¿BAKʼIN LAJ YALIK LI ALBIL KʼOPETIKE? (JAʼO KʼALAL MUʼYUK TOʼOX TALEM JESUSE)

LI KʼUSITIK KʼOT TA PASEL LI TA SKʼAKʼALIL ESEKIELE (JAʼO KʼOTANUK TA PASEL KʼALAL MUʼYUK TOʼOX TALEM JESUSE)

1. nop. 643: Vokʼ

2. 617: Laj yichʼ chukel batel ta Babilonia

3. 613: Lik yal albil kʼopetik; oy kʼusitik akʼbat yil yuʼun Jeova

4. 612: Akʼbat yil ti la svalopatinik Jeova li ta temploe

5. 611: Lik yal albil kʼopetik ta sventa Jerusalen

6. 609: Cham yajnil; jaʼo lik yichʼ joyobtael ta slajeb velta li Jerusalene

7. 607: Albat ti laj xa yichʼ jinesel li Jerusalene

8. 593: Akʼbat yil yuʼun Dios li temploe

9. 591: Laj yal ti ch-och ta skʼob Nabukodonosor li Ejiptoe; tsuts stsʼibael li slivroe

AJVALILETIK TA JUDA XCHIʼUK TA BABILONIA

1. 659-629: La spuk batel melel yichʼel ta mukʼ Dios li Josiase, pe jaʼo cham kʼalal la spasik kʼop xchiʼuk li faraon Nekoe

2. 628: Li chopol ajvalil Jeoakase oxib u ajvalilal, laje laj yichʼ chukel batel yuʼun li faraon Nekoe

3. 628-618: Och ta ajvalil li chopol ajvalil Jeoiakime, pe jaʼ tspasat ta mantal yuʼun li faraon Nekoe

4. 625: Li Nabukodonosore la stsal li yajsoltarotak Ejiptoe

5. 620: Och ta skʼob Nabukodonosor ta sba velta li Judae xchiʼuk la spas ta mantal li Jeoiakime

6. 618: Li Jeoiakime lik stoy sba ta stojolal li Nabukodonosore, pe yikʼaluk van jaʼo cham kʼalaluk ochik ta persa ta xchibal velta ta Albil Balumil li jbabiloniaetike

7. 617: Li Joakin ti Jekonias sbi xtoke jaʼ jun chopol ajvalil ti oxib u ajvalilaje, ta tsʼakale laj yakʼ sba ta tsalel ta stojolal li Nabukodonosore

8. 617-607: Li Sedekiase jaʼ jun chopol ajvalil xchiʼuk jaʼ jun xiʼel vinik ti jaʼ pasbil ta mantal yuʼun li Nabukodonosore

9. 609: Li Sedekiase lik stoy sba ta stojolal li Nabukodonosor ti och ta persa ta Juda ta yoxibal veltae

10. 607: Li Nabukodonosore la sjines li Jerusalene, la stupʼbe xchaʼpʼejal sbekʼ sat li Sedekiase xchiʼuk laj yikʼ batel ta Babilonia