Jambo lek smelolal li teksto chakʼele

Juan 10:33-​36

KʼUSI SMAKOJBE SKʼOPLAL: Mu jaʼuk noʼox xakʼel junuk teksto, vaʼun ti yan xa kʼusi chavalbe batel smelolale. Kʼelo lek mi xaʼiik ti kʼuxi snitojbe sba skʼoplal li teksto xchiʼuk li kʼusi chakʼan chavakʼ ta chanele.

KʼUXI TA PASEL:

• Alo li kʼusi mas tsotsik skʼoplale. Mi laj xa ox akʼel junuk tekstoe, jaʼ albo skʼoplal li jpʼelantik kʼop ti jaʼ te snitojbe sba skʼoplal xchiʼuk li kʼusi chakʼan chavakʼ ta chanele. Sventa spas avuʼune, skʼan xachaʼal li jpʼelantik kʼop ti bu mas tsotsik skʼoplale o ti oyuk kʼusi xajakʼe.

• Albo lek smelolal. Mi laj aval ti kʼu yuʼun chakʼel junuk teksto ta Vivliae albo lek smelolal ta tsʼakal ti kʼuxi snitojbe sba skʼoplal li jpʼelantik kʼop ti mas tsotsik skʼoplal li ta teksto xchiʼuk ti kʼu yuʼun la akʼele.

• Kʼunuk ta aʼiel li kʼusi chavalbe smelolale. Mu me persauk xaval li kʼusi muʼyuk te snitojbe sba skʼoplal xchiʼuk li kʼusi chavalbe smelolale. Jaʼ noʼox xaval li bu jtunel chavil sventa xavalbe lek smelolal xchiʼuk teuk me ta ajol li kʼusi snaʼojik xa li buchʼutik chaʼibote.