Akʼo ta ilel ti achʼunoj li kʼusi chavale

1 Tesalonisenses 1:5

KʼUSI SMAKOJBE SKʼOPLAL: Akʼo ta ilel ti achʼunoj ta melel li kʼusi chavale xchiʼuk ti chtun yuʼunik li buchʼutik te chaʼibote.

KʼUXI TA PASEL:

• Lek xachapan aba. Chanilano lek ti bu lokʼem tal li apartee jaʼ to mi laj avakʼ venta li bu mas tsotsik skʼoplale xchiʼuk ti kʼuxi chakʼ ta ilel Vivlia ti jaʼ melele. Akʼo persa ti kʼunuk ta aʼiel li bu mas tsotsik skʼoplale xchiʼuk ta jpʼel chaʼpʼeluk noʼox kʼop xaval. Jaʼ mas xavakʼ ta avoʼonton ti kʼuxi chtun yuʼunik li buchʼutik te chaʼibote. Kʼanbo Jeova ti akʼo xakʼbot li xchʼul espiritue.

• Jaʼuk xatunes li kʼopetik ti stakʼ chʼunele. Mu me jaʼuk noʼox xakʼel li kʼusi tsʼibabile, jaʼ mas lek alo ta akʼop atuk. Jaʼ alo li kʼusi chakʼ ta aʼiel ti achʼunoj ta melel li kʼusi chavale.

• Jamal xaval xchiʼuk alo li kʼusi oy ta avoʼontone. Tsotsuk xakʼopoj. Mi muʼyuk bu chopol chaʼiik ti bu nakalote, kʼelbo sat li buchʼutik chaʼibote.