VIVLIOTEKA TA INTERNET yuʼun Watchtower
VIVLIOTEKA TA INTERNET
yuʼun Watchtower
tsotsil
ʼ
  • ʼ
  • VIVLIA
  • VUNETIK
  • TSOBAJELETIK
  • lff xchanobil 55
  • Xuʼ xakoltavan li ta atsobobbaile

Muʼyuk svideoal.

Paso perton, mu stij li videoe.

  • Xuʼ xakoltavan li ta atsobobbaile
  • ¡Kʼupino akuxlejal ta sbatel osil! Li Vivliae xuʼ skoltaot ta stael
  • Subtituloetik
  • Yan vunetik ti xkoʼolaje
  • JCHANTIK TO BATEL MAS
  • ¿KʼUSI LA ACHAN?
  • XUʼ TO XAKʼEL LIʼE
  • Ta jtojbekutik ta vokol Jeova ti kʼanvanemoxuke
    Programa xchiʼuk bu chijtsʼibaj, Jkuxlejaltik xchiʼuk Kabteltik sventa Dios 2021
  • Kakʼbetik smoton li Jeovae
    Programa xchiʼuk bu chijtsʼibaj, Jkuxlejaltik xchiʼuk Kabteltik sventa Dios 2018
  • ¿Kʼusi chal Vivlia ta sventa li abtelal xchiʼuk takʼine?
    ¡Kʼupino akuxlejal ta sbatel osil! Li Vivliae xuʼ skoltaot ta stael
  • ¿Kʼu yuʼun skʼan xkakʼbetik sutel Jeova li kʼusi yakʼojbutike?
    Li Jkʼel osil ta toyole Yakal chalbe skʼoplal li Ajvalilal yuʼun Jeovae (sventa chichʼ chanel) 2018
Kʼelo kʼusitik yan
¡Kʼupino akuxlejal ta sbatel osil! Li Vivliae xuʼ skoltaot ta stael
lff xchanobil 55
Xchanobil 55. Junantik ermanoetik yakal chchʼubaik spat xokon salon.

XCHANOBIL 55

Xuʼ xakoltavan li ta atsobobbaile

Paso imprimir
Paso imprimir
Paso imprimir

Epal krixchanoetik ta spʼejel balumile jmoj chichʼik ta mukʼ Jeova ta smilal xa noʼox tsobobbailetik. Ep sbalil chilik li mantaletik xchiʼuk li beiltaseletik ch˗akʼbatike, ep kʼutik yelan tskolta sbaik li ta tsobobbaile xchiʼuk ta sjunul yoʼonton jech tspasik. ¿Mi ta sjunul avoʼonton jech chakolta aba ek li ta atsobobbaile?

1. ¿Kʼuxitik xuʼ xatunes akʼakʼal xchiʼuk avipal sventa xakoltavan li ta tsobobbaile?

Jkotoltik xuʼ jkolta jbatik jsetʼ jutebuk li ta tsobobbaile. Jech kʼuchaʼal liʼe, ¿mi oy ermanoetik ta atsobobbail ti oy xa sjabilalik o ti ip chaʼiik ti tskʼanik koltaele? ¿Mi xuʼ van xavikʼ batel li ta tsobajeletike? O ¿mi oy van yan kʼusi xuʼ xapas ta stojolalik jech kʼuchaʼal ti xbat amanbeik tal ta chʼivit li kʼusitik chtun yuʼunike o ti xakolta ta spasel li kʼusitik skʼan pasel ta snaike? (Kʼelo Santiago 1:27). Xuʼ xakolta aba xtok ta xchʼubael o ta skʼelel li Salon sventa Tsobobbaile. Muʼyuk buchʼu tsujutik ta spasel skotol taje, yuʼun chlokʼ ta koʼonton jtuktik ta skoj ti jkʼanojtik Dios xchiʼuk li kermanotaktike (Salmo 110:3).

Li buchʼutik yichʼojik xa voʼe oy yan kʼuxitik xuʼ skolta sbaik. Li ermanoetik ti yakʼoj ta xkuxlejalik li beiltaseletik ta Vivliae xuʼ xkʼotik ta siervo ministerialetik xchiʼuk ta jelavele xuʼ xkʼotik ta moletik. Jech xtok, li ermanoetik xchiʼuk ermanaetike xuʼ xtunik ta prekursor. Maʼuk noʼox, yuʼun junantike xuʼ xkoltavanik ta svaʼanel salonetik, Salonetik sventa Asamblea o yan naetik sventa yichʼobil ta mukʼ Jeova o xuʼ xbatik ta yan tsobobbail ti chtun yuʼunik koltaele.

2. ¿Kʼuxi xuʼ jtunes jtakʼintik o kʼusitik x˗ayan kuʼuntik yoʼ xijkoltavan li ta tsobobbaile?

Xi chal li Vivliae: «Jaʼuk xavichʼ-o ta mukʼ Jeova li kʼusitik ep sbalil avuʼune» (Proverbios 3:9). Jaʼ jun mukʼta matanal chkaʼikutik ti xuʼ jtunes jtakʼinkutik xchiʼuk kʼusitik x˗ayan kuʼunkutik sventa jkoltakutik li tsobobbaile xchiʼuk ti jkolta jbakutik yoʼ xichʼ cholel ta spʼejel balumil li mantale (kʼelo 2 Korintios 9:7). Kʼalal chkakʼkutik matanal takʼin xtoke, jaʼ sventa xichʼik koltael li ermanoetik ti chil svokolike. Ep buchʼutik nopem xaʼiik ti parte chakʼik ti kʼu yepal chakʼik li matanal takʼine (kʼelo 1 Korintios 16:2). Li takʼine xuʼ te jtikʼtik li ta xkaxail matanal takʼin li ta salonetik o Salonetik sventa Asambleae o ta jpajinakutik ta donate.jw.org. Li Jeovae oy ta yoʼonton ti xkakʼbetik li kʼusi oy kuʼuntik sventa xkakʼbetik ta ilel ti jkʼanojtike.

JCHANTIK TO BATEL MAS

Jkʼeltik batel kʼuxitik xuʼ xakoltavan li ta tsobobbaile.

3. Xuʼ xavakʼ li kʼusitik oy avuʼune

Li Jeova xchiʼuk Jesuse skʼanojik li buchʼutik ta sjunul yoʼonton chakʼik li kʼusitik oy yuʼunike. Li Jesuse ep tajek sbalil laj yil ti laj yakʼ skotol yuni takʼin li jun povre ants ti chamem smalale. Kʼelik Lukas 21:1-4 xchiʼuk albeik skʼoplal li sjakʼobiltak liʼe:

  • ¿Mi persa van skʼan xkakʼtik epal matanal takʼin sventa xmuyubaj li Jeovae?

  • ¿Kʼu yelan chaʼi sba Jeova xchiʼuk Jesus kʼalal ta sjunul koʼonton chkakʼtike?

Sventa xanaʼ kʼuxi chichʼ tunesel li matanal takʼine, kʼelik li VIDEOE. Mi laje, albeik skʼoplal li sjakʼobil liʼe:

VIDEO: Ta yutsiluk koʼontontik xkakʼbetik matanal li Jeovae (4:47)

  • ¿Kʼuxi tstabeik sbalil tsobobbailetik ta spʼejel balumil li matanal takʼin chkakʼtike?

Jun ermana ti oy xa sjabilale yakal chakʼ matanal takʼin ta xkaxail.

4. Lokʼuk ta avoʼonton xakoltavan

Li yajtuneltak Jeova ta voʼnee maʼuk noʼox ta takʼin koltavanik, yuʼun ta sjunul yoʼonton la skʼelik xtok ti butik chichʼ ichʼel ta mukʼ Jeovae. Kʼelik 2 Kronikas 34:9-11 xchiʼuk albeik skʼoplal li sjakʼobil liʼe:

  • ¿Kʼusi la spas j˗israeletik sventa skʼelik o smeltsanik li sna Jeovae?

Sventa xavakʼ venta ti jaʼ jech tspasik ek li stestigotak Jeovae, kʼelik li VIDEOE. Mi laje, albeik skʼoplal li sjakʼobiltak liʼe:

VIDEO: Jchabitik li bu ta jtsob jbatik sventa yichʼel ta mukʼ Jeovae (3:31)

Lokʼol li ta video «Jchabitik li bu ta jtsob jbatik sventa yichʼel ta mukʼ Jeovae». Ta bikʼit ta mukʼ yakal chchʼubaik li salone.
  • ¿Kʼu yuʼun skʼan lekuk noʼox oy xchiʼuk sakuk li jsalontike?

  • ¿Kʼuxi van xuʼ xakoltavan ek?

Jayvoʼ stestigotak Jeova tskolta sbaik ta svaʼanel jpʼej salon.

5. Li ermanoetike xuʼ me oy kʼusi mas sbainik spasel li ta tsobobbaile

Li Vivliae tstijbe yoʼonton ermanoetik ti xchʼiik batel ta mantale, vaʼun jaʼ jech xuʼ xkoltavanik mas li ta tsobobbaile. Sventa xavojtikin jun ermano ti jech la spase, kʼelik li VIDEOE. Mi laje, albeik skʼoplal li sjakʼobil liʼe:

VIDEO: Kermanotak, akʼbeik yipal sventa xa chʼiik ta mantal (5:23)

  • ¿Kʼusitik la spas Ryan sventa xchʼi ta mantal xchiʼuk ti xkoltavan mas li ta tsobobbaile?

Li Vivliae chal kʼusitik skʼan spas li ermanoetik sventa xkʼotik ta siervo ministerialetik o ta moletike. Kʼelik 1 Timoteo 3:1-13 xchiʼuk albeik skʼoplal li sjakʼobiltak liʼe:

  • ¿Kʼusi skʼan spasik li ermanoetik ti tskʼan chkʼotik ta siervo ministerialetik xchiʼuk ta moletike?

  • ¿Kʼusi skʼan spasik li yajnil xchiʼuk xnichʼnabike? (Kʼelik li versikulo 4 xchiʼuk 11).

  • ¿Kʼusi sbalil tstabe tsobobbail mi laj yakʼik persa xchʼiik ta mantal li ermanoetike?

Jun ermano yakal chuj batel silla de rueda jun ermano ti oy xa sjabilal kʼalal jaʼo chcholik mantale.

JUNANTIKE XI TSJAK’IKE: «¿Bu xa noʼox tstaik takʼin li stestigotak Jeova sventa spas li yabtelike?».

  • ¿Kʼusi chatakʼ yaʼel ti jech xavichʼ jakʼbele?

¿KʼUSI LA ACHAN?

Li Jeovae ep tajek sbalil chil ti ta xkakʼ kiptik, jkʼakʼaltik xchiʼuk kʼusitik oy kuʼuntik sventa xijkoltavan li ta tsobobbaile.

Svulesobil ta joltik

  • ¿Kʼuxi xuʼ jtunes jkʼakʼaltik xchiʼuk kipaltik sventa xijkoltavan li ta tsobobbaile?

  • ¿Kʼuxi xuʼ jtunes kʼusi x˗ayan kuʼuntik yoʼ xijkoltavan li ta tsobobbaile?

  • ¿Kʼusitik oy ta avoʼonton chapas yoʼ xakoltavan li ta tsobobbaile?

Paso liʼe

XUʼ TO XAKʼEL LIʼE

Kʼelavil kʼu yuʼun muʼyuk xa tskʼanbe diesmo yajtuneltak li Diose.

«¿Kʼusi chal Vivlia ta sventa li diesmoe?» (Xuʼ te xata ta jw.org)

Li Vivliae chal ti xuʼ oy kʼusitik sbain li viniketik ti yichʼojik xa voʼe. Pe mi jaʼ jun ants ti yichʼoj xa voʼ ti tsbain li abtelaletik taje, ¿kʼusi skʼan tsakel ta venta?

Li kʼusi xchapanoj Jeova ta sventa li buchʼu oy yabtel ta tsobobbaile» (Li Jkʼel-osil ta toyole, fevrero ta 2021)

Kʼelavil kʼusitik yakʼojik persa spasel junantik ermanoetik sventa xichʼbeik batel vunetik li yermanotakike.

Chichʼ pukel vunetik ta Congo (4:25)

Kʼelavil ti mu xkoʼolaj kʼuchaʼal yan relijionetik li stestigotak Jeova ta sventa ti kʼuxi tstaik li takʼin chtun yuʼunike.

«¿Bu chataik li takʼin chtun avuʼunike?» (Xuʼ te xata ta jw.org)

    Vunetik ta tsotsil (2001-2025)
    Lokʼan
    Ochan
    • tsotsil
    • Tako batel
    • Ti kʼu yelan chak'ane
    • Copyright © 2025 Watch Tower Bible and Tract Society of Pennsylvania
    • Ti kʼutik yelan xuʼ xichʼ tunesele
    • Política de privacidad
    • Configuración de privacidad
    • JW.ORG
    • Ochan
    Tako batel