KʼUSITIK CHICHʼ JAKʼEL TA SVENTA VIVLIA
¿Kʼusi sbi li Diose?
Skotol li kutsʼ kalaltike oy sbiik. Li tsʼunbolal chonbolometike oy sbiik ek. ¿Mi mu jechuk ti sta-o ti oyuk sbi li Diose? Li ta Vivliae ta xal ti ep kʼuyelan chichʼ ojtikinel li Diose: «Skotol xuʼ yuʼun», «Mukʼul Jpasmantal» xchiʼuk «Jpasvanej». Pe li Diose oy sbi stuk. (Kʼelo tsʼib ta yok vun ta Éxodo 3:14, Ch.)
Ta yan Vivliaetike, li sbi Diose te ta jtatik ta Salmo 83:18. Jech kʼuchaʼal li Vivlia ta Traducción del Nuevo Mundo de las Santas Escrituras xi tsjelubtase: «Sventa tsnaʼ li krixchanoetik ti voʼote, ti jaʼ Jeova abie, voʼot noʼox atuk ti Toj Toyol Oyot ta sba spʼejel li balumile».
¿Kʼu yuʼun skʼan jtunesbetik li sbi Diose?
Kʼalal ta jchiʼintik ta loʼil li kamigotaktike ta jkʼopontik ta sbi
Li Diose tskʼan ti jtunesbetik li sbie. Kʼalal ta jchiʼintik ta loʼil li kamigotaktike ta jkʼopontik ta sbi. ¿Mi mu jechuk skʼan jpastik ek kʼalal ta jkʼopontik ta orasion li Diose? Jech xtok, li Jesucristoe la stij oʼontonal sventa jtunesbetik li sbi Diose. (Kʼelo Mateo 6:9; Juan 17:26, TNM.)
Jaʼ yuʼun, sventa xijkʼotutik ta yamigo li Diose maʼuk noʼox ti jnabetik li sbie. Skʼan jnaʼtik kʼuyelan xchiʼuk mi xuʼ xijnopajutik ta stojolal. Li stakʼobiltak taje xchiʼuk yan sjakʼobiltake te ta jtatik ta Vivlia.