¿Kʼu yuʼun skʼan xakʼel mi melel li relijione?

Jnoptik ti skʼan xavichʼ pasel operar ta skoj ti toj tsots li achamele. Skʼan van ti apatoj lek avoʼonton ta stojolal li doktor tspasot operare, yuʼun jaʼ oy ta skʼob li akuxlejale. ¿Mi mu jaʼuk lek ti xajakʼbe skʼoplal kʼuyelan snaʼ x-abteje?

Jaʼ jech ek, skʼan xajakʼbe lek skʼoplal kʼuyelan li arelijione. Mi oy junuk arelijione, xkaltike, oy ta skʼob li akuxlejal ta mantale. Jech xtok, te tsakal skʼoplal li akuxlejal ta sbatel osile.

Laj yal jun lokʼol kʼop li Jesuse, taje jaʼ tskoltautik ta snaʼel mi melel li jrelijiontike. Xi laj yale: «Li jujupets teʼe ta sat ta xcotquintic» (Lucas 6:44). Jech kʼuchaʼal liʼe, kʼalal chakʼel junuk relijione, ¿kʼu yelanil li sat chakʼe, jaʼ xkaltik, kʼuyelan yabtel? ¿Mi tsots tajek skʼoplal chilik takʼin li jnitvanejetik ta relijion taje? ¿Mi tstsakik ta venta beiltaseletik ta Vivlia ta sventa paskʼop xchiʼuk talelal li ta relijion taje? ¿Mi xuʼ van jpat koʼontontik ta junuk relijion? Chkalbotkutik ti xakʼel batel li mantaletik chtale.