KʼUSITIK CHICHʼ JAKʼEL TA SVENTA VIVLIA
¿Buchʼutik chbatik ta vinajel xchiʼuk kʼu yuʼun?
Ta smiyonal noʼox krixchanoetik tskʼan chbatik ta vinajel mi chamike. Li Jesuse laj yalbe li tukʼil yajtakboltak ti te chbat nakiikuke. Yuʼun kʼalal jutuk xaʼox skʼan xchame laj yalanbe ti chbat smeltsan ti bu chnakiik xchiʼuk li Stot te ta vinajele. (Kʼelo Juan 14:2.)
¿Kʼu yuʼun ta xchaʼkuxiik krixchanoetik sventa chbat nakiikuk ta vinajel? ¿Kʼusi van chbat spasik te? Li Jesuse laj yalbe yajtakboltak ti chkʼotik ta ajvaliletike xchiʼuk ti tspasik tal mantal ta Balumile. (Kʼelo Lucas 22:28-30; Apocalipsis 5:10.)
¿Mi chbatik ta vinajel skotol li lekil krixchanoetike?
Jutuk mu skotoluk li ta yantik balumile jayvoʼik noʼox li ajvaliletike. Jaʼ yuʼun, li buchʼutik ta xchaʼkuxes Jesús ti ta xbatik ta vinajel sventa chkʼotik ta ajvalile jech jayvoʼik noʼox ek (Lucas 12:32). Li Vivliae lek jamal chal jayvoʼik li buchʼutik ta x-ajvalilajik xchiʼuk li Jesuse. (Kʼelo Apocalipsis 14:1.)
Li Jesuse xchapanoj xa bu chnakiik jlom yajtsʼaklomtak te ta vinajel. ¿Mi xanaʼ kʼusi tspasik te?
Li buchʼutik chbatik ta vinajele maʼuk noʼox stukik ti tsta smotonike. Li buchʼutik chchʼunik mantal ti chventainatik yuʼun Jesuse xuʼ xkuxiik sbatel osil ta jun paraiso liʼ ta Balumile (Juan 3:16). Li junantike ta xjelavik ta Paraiso kʼalal mi kolem komik li ta slajebal chopol balumil liʼe. Li yantike jaʼ to mi chaʼkuxiike. (Kʼelo Salmo 37:29; Juan 5:28, 29.)