KʼUSITIK CHICHʼ JAKʼEL TA SVENTA VIVLIA

¿Kʼuxi ta jtabetik sbalil li slajel Jesuse?

Kʼalaluk la spas krixchanoetik li Diose, tskʼan ox ti xkuxiik sbatel osil liʼ ta Balumil ti bu muʼyuk chil svokolik ta chameletik xchiʼuk ta lajelal. Akʼo mi jech, li baʼyel vinik Adane muʼyuk la xchʼunbe smantal li Jpasvaneje, vaʼun chʼay yuʼun li spatobil yoʼonton ti xuʼ ox chkuxi sbatel osile. Ta skoj ti jaʼutik snitilulal li Adane, laj yetʼesbutik li lajelale (Romanos 5:8, 12; 6:23). Li melel Dios Jeovae la stak talel ta Balumil Xnichʼon, li Jesuse, sventa chcham xchiʼuk yoʼ xichʼ tael ta achʼ li kʼusi la xchʼay li Adane. (Kʼelo Juan 3:16.)

Li slajel Jesuse jaʼ chakʼ ti jtatik perton yuʼun li jmultike xchiʼuk ti xijkuxi sbatel osile. Li Vivliae chalbutik kʼu yelan li Balumil kʼalal mi chʼabal xaʼox buchʼu chmalub, ch-ipaj xchiʼuk chchame. (Kʼelo Isaías 25:8; 33:24; Apocalipsis 21:4, 5.)

¿Kʼu yelan skʼan jvules ta joltik li slajel Jesuse?

Kʼalal skʼan toʼox jun akʼobal xcham li Jesuse, laj yalbe yajtsʼaklomtak ti akʼo spasik snaʼobil slajel ta jun uni tsobajel. Kʼalal ta jvules ta joltik jujun jabil li Snaʼobil slajel Cristoe jaʼ te chkakʼtik venta kʼu to yepal skʼanoj krixchanoetik li Jesús xchiʼuk li Jeovae. (Kʼelo Lucas 22:19, 20; 1 Juan 4:9, 10.)

Li Snaʼobil slajel Cristo li avi jabile chkʼot ta lunes 14 yuʼun avril kʼalal chʼayem xaʼox batel li Kʼakʼale. Takbilot ta ikʼel yoʼ xatsob aba xchiʼuk li stestigotak Jeova ti bu nakalote. (Kʼelo Romanos 1:11, 12.)

Mi chakʼanbe to mas yaʼyejale, kʼelo li kapitulo 4 xchiʼuk 5 ta livro liʼe, ¿Kʼusi chchanubtasvan ta melel li Vivliae?, ti pasbil yuʼun stestigotak Jeovae

Stakʼ yalesel ta www.jw.org/tzo

[Lokʼol ta pajina 16]

Li Jesuse cham yoʼ xkuxiik sbatel osil li krixchanoetike. ¿Kʼu van yelan xanaʼ li kuxlejal sbatel osil liʼ ta Balumile?