KʼUSITIK CHICHʼ JAKʼEL TA SVENTA VIVLIA

¿Buchʼu sventainoj li balumile?

Epal krixchanoetik chalik ti jaʼ sventainoj balumil li Diose. Mi melel li kʼusi chalike, ¿mi oy van vokoliletik tajek ti jechuke? (Deuteronomio 32:​4, 5.) Li Vivliae chal ti jaʼ sventainoj jun chopol ajvalil li balumile. (Kʼelo 1 Juan 5:​19.)

¿Kʼuxi lik sventain balumil li jun chopol ajvalil taje? Kʼalal lik talel li kuxlejale oy jun anjel ti la stoy sba ta stojolal Dios xchiʼuk ti la stijbe yoʼonton li baʼyel vinik xchiʼuk li baʼyel ants sventa stoy sbaik eke (Génesis 3:​1-6). La xchʼunbeik smantal li jtoyba anjele, vaʼun jaʼ jech kʼot ta ajvalil yuʼunik. Li buchʼu noʼox oy sderecho tsventain li krixchanoetike jaʼ li Dios ti skotol xuʼ yuʼune, pe tskʼan ti kʼalal chtunik ta stojolale jaʼuk ta skoj ti skʼanojike (Deuteronomio 6:6; 30:​16, 19). Kʼux ta alel, pe jutuk mu skotoluk li krixchanoetike jaʼ jech tspasik kʼuchaʼal la spas li Adán xchiʼuk Evae. (Kʼelo Apocalipsis 12:9.)

¿Buchʼu van tslajesbe svokol li krixchanoetike?

Li Diose, ¿mi chakʼ ti akʼo sventain-o balumil li Satanase? Moʼoj. Yuʼun ta stunes Jesús sventa tslajes skotol li vokolil yakʼoj Satanase. (Kʼelo 1 Juan 3:8.)

Li Diose yakʼojbe xa sjuʼel Jesús sventa tslajes li Satanase (Romanos 16:​20). Vaʼun li Diose jaʼ xa chlik sventain skotol li krixchanoetike, xijmuyubaj noʼox chijkuxi xchiʼuk oy jlekilaltik jech onoʼox kʼuchaʼal tskʼan ta slikebale. (Kʼelo Apocalipsis 21:​3-5.)

Mi chakʼanbe to mas yaʼyejale kʼelo li kapitulo 3 ta livro liʼe, ¿Kʼusi chchanubtasvan ta melel li Vivliae?, ti pasbil yuʼun stestigotak Jeovae.

Xuʼ xayales ta www.jw.org/tzo

[Lokʼol ta pajina 15]

Ti jaʼuk tsventain balumil li Diose, ¿mi oy van tajek vokolil ti jechuke?