La Biblia: el poder que ejerce en su vida

Epal miyon krixchanoetik ta spʼejel Balumile, lekubem xkuxlejalik ta skoj ti chakʼ tspasik li kʼusitik chal Vivliae. ¿Kʼusitik beiltasel ta Vivlia tskoltautik ta stsalel li kʼopetik ta jnuptantik jujun kʼakʼale? Sventa xa naʼe, ta jtijkutik avoʼonton xa kʼel li video La Biblia: el poder que ejerce en su vida, sbie. Taje jaʼ li xchibal pelikula yichʼoj tal li DVD La Biblia: libro de hechos y profecías. Mi tsuts skʼelel avuʼun li videoe, takʼo li sjakʼobiltak liʼe:

1) ¿Kʼu yuʼun chkaltik ti mu xkoʼolaj ta kʼusuk noʼox livroal ta spʼejel Balumil li Vivliae? (Heb. 4:12.) 2) Mi chkoltavan li Vivlia sventa xlekub xkuxlejal li krixchanoetike, ¿kʼu yuʼun noj ta vokolil li balumile? 3) ¿Kʼusi ti mas chalbe skʼoplal li Vivliae? 4) ¿Kʼusitik tekstoal xuʼ xkoltaatik li nupultsʼakaletik sventa 1) mas xchiʼin sbaik ta loʼil xchiʼuk 2) spajtsan sbaik ta ilinele? 5) Mi oy jun nupultsʼakal ti jech chil li nupunel kʼuchaʼal chil li yajtsʼaklomtak Cristoe, ¿kʼu yuʼun mas chmuyubaj li yutsʼ yalale? (Efe. 5:28, 29.) 6) ¿Kʼuxi xuʼ xchanbeik Jeova li buchʼutik oy yalab xnichʼnabike? (Mar 1:9-11.) 7) ¿Kʼusi xuʼ spasik sventa xkʼot ta oʼontonal li chanubtasel ta Vivlia chakʼbeik yalab xnichʼnabik li totil-meʼiletike? 8) Jech kʼuchaʼal chal sKʼop Diose, ¿kʼusi skʼan xakʼbeik yalab xnichʼnabik li totil-meʼiletike, ti maʼuk noʼox ti chchanubtasik ta Vivliae? 9) Alo junuk beiltasel ta Vivlia ti xuʼ xkoltaat jun utsʼ-alalil sventa xkuch batel yuʼun li vokolil ta takʼine. 10) Sventa mu masuk xi j-ipaje, ¿kʼusitik beiltasel oy ta Vivlia ti chal ti skʼan sakukutike, ti chal ta sventa li drogae, li yuchʼel ep poxe xchiʼuk ti mu xa noʼox jnaʼ kʼusi ta jpastik ta skoj ti sujomutike? 11) ¿Kʼusitik yaloj Vivlia chkʼot ta pasel ti tstsatsubtasutike? (Job 33:25; Sal. 145:16.) 12) Li voʼote, ¿kʼuxi slekubtasoj akuxlejal li chanubtaseletik chakʼ Vivliae? 13) ¿Kʼuxi anopoj cha tunes sventa cha kolta yan krixchanoetik li video liʼe?