Kʼuyelan chichʼ akʼel li revistaetike

Li Jkʼel osil ta toyole Julio-septiembre

«Jutuk mu jkotoltikuk xkojtikintik junuk krixchano ti chamem snup xchiʼile. ¿Kʼu van yelan xuʼ xa kolta sventa stsʼik yuʼun xkʼuxul li kʼusi la snuptane? [Akʼo stakʼ.] Toj kʼux chaʼi li Jpasvanej kuʼuntik ti lek kʼanvanem kʼalal chil ti chkil jvokoltike. Jaʼ yuʼun tspat koʼontontik kʼalal chkil jvokoltike [kʼelo 2 Corintios 1:3, 4]. Li revista liʼe chal baluneb mantaletik toj jtunelik ti xuʼ xavakʼbe li buchʼu jech yakal chil tsots svokole.» Akʼo iluk li mantal ta pajina 28.

¡Despertad! Septiembre

Kʼelo Mateo 5:39. Vaʼun xi xavale: «¿Kʼusi skʼan xal kʼalal laj yal Jesús ti akʼo kakʼtik smajik xtok li jot jsatik li krixchanoetike? ¿Mi jaʼ van skʼan xal te tsʼijilutik chi jkom kʼalal chkichʼtik ilbajinele? [Akʼo stakʼ xchiʼuk akʼo iluk li mantal ta pajina 10.] Li mantal liʼe chalbe skʼoplal kʼusi la skʼan laj yal li Jesuse».

Li Jkʼel osil ta toyole Oktuvre-disiembre

«Ep krixchanoetike chiʼik mi chlaj ta vomba atomika li Balumile o ta skoj ti chjel tajek xkʼixnal-sikil li Balumile. ¿Mi xuʼ van jech chkʼot ta pasel xa naʼ? [Akʼo stakʼ.] Li Vivliae chalbe smelolal taje, jech kʼuchaʼal chavakʼ venta liʼe [kʼelo Apocalipsis 11:18, Ch]. Li revista liʼe tstakʼ chanib sjakʼobiltak ti mas tsjakʼbe sbaik li krixchanoetik sventa li slajeb Balumile.»

¡Despertad! Oktuvre

«Buyuk xa noʼox xkaʼitik ti ep krixchanoetik tsmukulsati snup xchiʼilike, xchiʼilik ta politika o yan buchʼutik. ¿Mi jech chavil ti toj vokol xa ta tael krixchanoetik ti xuʼ jpat koʼontontik ta stojolale? [Akʼo stakʼ.] Ep krixchanoetik chalik ti yakal chkʼot ta pasel li kʼusi chal li teksto liʼe [kʼelo 2 Timoteo 3:1-5]. Li revista liʼe chal bu xuʼ jtatik krixchanoetik ti xuʼ jpat koʼontontik ta stojolalike.»