Jun-chib slikeb jloʼiltik

Kʼuyelan xuʼ jlikestik chanubtasel ta Vivlia li ta baʼyel sabado yuʼun septiembree

«¿Mi achʼunoj ti jaʼ yakʼoj ta naʼel Dios li Vivliae xchiʼuk ti chtun yuʼun skotol krixchanoetik avie? [Akʼo stakʼ.] Kʼelo avil li kʼusi chal stuk li Vivliae xchiʼuk ti kʼusi xuʼ xkʼot ta pasel yuʼun jech kʼuchaʼal chal li 2 Timoteo 3:16.» Vaʼun akʼbo yil li kapitulo 2 ta livro Chchanubtasvan xchiʼuk kʼelbo li parafo 5. Akʼbo li livroe, vaʼun albo kʼusi ora xuʼ xasut sventa xachanik mas.

Li Jkʼel osil ta toyole Julio-septiembre

«Li Vivliae chal ti xuʼ jtatik kuxlejal sbatel osil ta jun nichimaltik liʼ ta Balumile. ¿Mi ta van xlik tavanuk xanaʼ li kuxlejal sbatel osil kʼalal naka tukʼ xaʼox skotol li kʼusitike? [Akʼo stakʼ.] Kʼelavil kʼusi chal stuk li Vivlia ta sventa li abtelal tspasik ti tskʼupinik li krixchanoetik ti tstabeik sbalil stukike xchiʼuk li yutsʼ yalalike jech kʼuchaʼal chal ta Isaías 65:22-24. Li revista liʼe chalbot mas smelolal ta sventa li kʼupil sba spatobil oʼontonal taje.» Akʼbo yil li mantal ta pajina 23.

¡Despertad! Septiembre

«Ta skoj ti oy vokolil ta takʼine solel sujomik xchiʼuk mu xa noʼox snaʼ kʼusi tspasik jutuk mu skotoluk li krixchanoetike. ¿Kʼu yuʼun xanaʼ ti mu xlokʼ-o jtakʼintik li jujun ue? [Akʼo stakʼ.] Li Vivliae chakʼ lekil mantaletik ti skoltaoj epal krixchanoetik sventa snaʼikuk stunesel li stakʼinike [kʼelo junuk li tekstoetik te ta pajina 8 xchiʼuk 9]. Li revista liʼe chal mantaletik ti jtunelik tajek sventa li krixchanoetik ti mu xa snaʼ kʼusi tspasik ta skoj ti oy yilike.»