Junchib slikeb jloʼiltik
Kʼu yelan xuʼ jlikestik chanubtasel ta Vivlia li ta baʼyel sabado yuʼun septiembree
«Ep krixchanoetik xchʼunojik ti oy anjeletike. ¿Li voʼote kʼusi chanop? [Akʼo stakʼ.] Li anjeletik jaʼik kuxlejaletik ti mu xvinajik ta kʼelel ti solel tsots sjuʼelike, ¿mi xuʼ skoltautik xanaʼ? Li Vivlia chal kʼutik yelan tskoltautik.» Mi laje akʼbo yil li pajina 16 li ta revista Li Jkʼel osil ta toyole, ti jaʼ sventa 1 yuʼun septiembre xchiʼuk koʼol xachanik li mantal ti te talem ta yolon li baʼyel sjakʼobile xchiʼuk kʼelik junuk li teksto yichʼoj tale. Akʼbo li revistaetike, vaʼun albo ti chasut yan velta sventa xachanik li yan sjakʼobile.
Li Jkʼel osil ta toyole 1 yuʼun septiembre
«Ti kʼu yelan yakal tsokesik Balumil li krixchanoetike, ¿mi oy kʼusi stakʼ pasel xanaʼ yoʼ xichʼ chaʼmeltsanele? [Akʼo stakʼ.] Akʼo mi mu xchaʼmeltsaj yuʼun li krixchanoetike, li Vivliae chalbutik ti xuʼ yuʼun li Diose xchiʼuk oy ta yoʼonton tspas. Li kʼusi yaloj tspase te ta jtatik ta Salmo 65:9 [kʼelo]. Li revista Li Jkʼel osil ta toyole chal kʼuxi chchabi Balumil li Diose xchiʼuk ti kʼuxi xuʼ jkʼupintik li bendisionetik chtal ta jelavele. Ta jkʼan chkiktabot li revista yoʼ xakʼele.»
¡Despertad! Septiembre
«Ep buchʼutik ti ep tajek yabtelik chaʼiike, ta skoj taje sujomik xchiʼuk mu xa noʼox snaʼ kʼusitik tspas ta xkuxlejalik. Li buchʼutik xchanojbeik lek skʼoplal taje chalik ti kʼalal ep chij-abteje xuʼ chʼabal xa kipaltik chijkom, chij-ipaj ta jbekʼtaltik xchiʼuk ta jnopbetik. ¿Kʼusi xuʼ skoltautik sventa oyuk noʼox spʼisol li kʼusi ta jpastike? [Akʼo stakʼ.] Li teksto ta Vivlia liʼe oy kʼusi chakʼ jnoptik [kʼelo Eclesiastés 4:6]. Li revista liʼe chal chantos tojobtasel sventa jnoptik li kʼusi mas tsots skʼoplal chkaʼitike xchiʼuk li ta sventa kabteltike.»