Oyuk me sbalil xkil li jmotontik ti chijtun ta stojolal Jeovae
1. ¿Kʼusi tsnop epal krixchanoetik ta sventa li cholmantal ta jpastike?
1 Li balumil ti pasbil ta mantal yuʼun Satanase, likem jchuvajtik chilik kʼalal ta jcholtik mantale (1 Cor. 1:18-21). Mi chʼay koʼontontik yuʼun taje, xuʼ me xchibajesutik xchiʼuk xuʼ xchʼay ti ta sjunul koʼontontik toʼox ta jpastike (Pro. 24:10; Isa. 5:20). Jaʼ yuʼun chaʼa, ¿kʼusi srasonal oy kuʼuntik ti ep sbalil chkil li jmotontik ti jaʼutik yajrextiko Jeovae? (Isa. 43:10.)
2. ¿Kʼu yuʼun xuʼ xkaltik ti jaʼ jun chʼul abtelal li cholmantale?
2 Li chʼul abtelale. Li jtakbol Pabloe laj yalbe smelolal ti cholmantal ta jpastike jaʼ li «Lequil Aʼyej[e]», jaʼ xkaltik, li kʼusi ta jpastik ta sventa Diose (Rom. 15:15, 16). Yuʼun kʼalal ta jpastik li abtelal taje jaʼ jech ta jchiʼintik ta abtel xchiʼuk ta jkolta jbatik sventa chʼul xkom sbi li Dios kuʼuntike (1 Cor. 3:9; 1 Ped. 1:15). Li Jeovae jaʼ «smoton» chil li cholmantal ta jpastike, jech xtok, jaʼ stsʼak li ichʼel ta mukʼ chkakʼbetike jaʼ yuʼun toj tsots skʼoplal ti jech jpastike (Heb. 13:15).
3. ¿Kʼu yuʼun jaʼ jun matanal ti mu kʼusi xkoʼolaj-o xcholel li lekil aʼyejetike?
3 Xcholel li lekil aʼyejetike jaʼ jun mukʼta matanal, pe mu epuk ti buchʼu jech tskʼupinik li matanale. Li anjeletike, oy tajek ta yoʼontonik spasel li abtelal taje (1 Ped. 1:12). Ti jaʼuk tspasike, toj lek chbat ta pasel yuʼunik ti jechuke. Pe, akʼo mi jech, jaʼ yakʼoj ta jbatik li Jeova spasel li abtelal ti mu kʼusi xkoʼolaj-oe, akʼo mi jaʼ «pasbil noʼox ta lum» li jbekʼtal jtakopaltike (2 Cor. 4:7).
4. ¿Kʼuxi xuʼ xkakʼtik ta ilel ti ep sbalil chkiltik li cholmantal ta jpastike?
4 Toj tsots skʼoplal. Mi jaʼ jun mukʼta matanal chkiltik xcholel li mantale, jaʼ me «más tsots scʼopilal» chkiltik ta jkuxlejaltik xchiʼuk ta jchʼakbetik yorail jujun xemana sventa ta jcholtik li mantale (Fili. 1:10, Jaʼ ti Achʼ Testamentoe, ta skʼop Huixtán). Jnoptik noʼox avaʼi ti ta jtijtik son xchiʼuk ti lek ojtikinbilutik ta epal mukʼtik lumetike. Ta skoj ti jaʼ jun mukʼta matanal ta xkaʼitike, lek ta jchapan jbatik ti kʼalal chi jbat jujun velta ta tij sone sventa xlekub ti kʼuyelan ta jtijtike. Jaʼ jech kʼalal chi jbat jujun velta ta cholmantale, lek ta jchapan jbatik sventa «lec me tucʼ xbat yalel [kuʼuntik] li scʼop Dios ti jaʼ melele» xchiʼuk chkakʼtik persa sventa xlekub ti kʼuyelan xi «[jtojob li] ta chanubtasvaneje» (2 Tim. 2:15; 4:2, Traducción del Nuevo Mundo).
5. ¿Buchʼutik ti ep sbalil chilik li kabteltike?
5 Mu me xkakʼtik ti xchibajesutik li kʼusi chal krixchanoetike. Oy to ep krixchanoetik tstojik ta vokol ti kʼalal chbat jvulaʼantik li ta yosilal bu ta jcholtik mantale. Pe akʼo mi jech, li kʼusi mas tsots skʼoplal chkaʼitike jaʼ li kʼusi chal Jeovae, maʼuk li kʼusi chal krixchanoetike. Xuʼ jpat koʼontontik ta melel ti lek chil ti tsots chi j-abtej ta stojolale (Isa. 52:7).