Las maravillas de la creación revelan la gloria de Dios
Epal krixchanoetike toj lek xaʼiik skʼelel li kʼusitik pasbile. Akʼo mi jech, toj jutuk li buchʼutik xaʼibeik smelolal ti jaʼ chakʼ ta ilel li kʼusi oy ta snopben xchiʼuk ta yoʼonton li Jpasvanej kuʼuntike (Rom. 1:20). Ta voʼne li Davide laj yojtikin Jeova ta skoj ti la skʼel li Skʼop yakʼoj ta naʼele. Jech xtok, laj yil xchiʼuk nopaj ta stojolal ta skoj ti la skʼel li kʼusitik pasbile (Sal. 8:3, 4). Li DVD Las maravillas de la creación revelan la gloria de Dios xi sbie, xuʼ tskoltautik, xuʼ skolta kalab jnichʼnabtik xchiʼuk li buchʼutik ta jchanubtastik ta Vivliae, taje jaʼ sventa jkʼeltik li kʼusitik pasbile, sventa xkiltik stalelal li Mukʼta Jpasvaneje xchiʼuk ti masuk lek xkil jbatik xchiʼuke. Kʼalal mi laj akʼelik li videoe, kʼelik mi xtakʼ avuʼunik li sjakʼobiltak liʼe.
1) ¿Kʼu yuʼun van mas ta jkʼantik-o Jeova kʼalal ta jkʼeltik ti kʼu smukʼul xchiʼuk ti lek chapal li kʼusitik oy ta vinajele? (Isa. 40:26.) 2) Kʼalal ta jkʼeltik lek kʼuyelan pasbil li voʼe, ¿kʼusi ta jchantik ta sventa li Buchʼu la spase? (Apo. 14:7.) 3) 1) ¿Kʼusi chkʼot ta pasel ta Balumil ti masuk nopol oy ta stojolal li Kʼakʼale? 2) ¿Kʼusi chkʼot ta pasel ti masuk nom oye? 3) ¿Kʼusi chkʼot ta pasel ti masuk mukʼ li Balumile? 4) ¿Kʼusi chkʼot ta pasel ti masuk bikʼite? 4) ¿Kʼusi van chkʼot ta pasel ti chʼabaluk li Ue? (Sal. 89:37.) 5) ¿Kʼusitik laj yakʼbutik Jeova sventa jkʼupin li jkuxlejaltike? 6) ¿Kʼusi li ADN xchiʼuk kʼusi chtun-o? (Sal. 139:16.) 7) ¿Kʼusi jelelik-o li krixchanoetik xchiʼuk li yan kʼusitik spasoj Jeovae? (Gén. 1:26.) 8) ¿Kʼusi ti mas oy ta avoʼonton chapas ta achʼ balumile?
Extras: 9) ¿Kuʼ yuʼun oy skoloraltak li kʼusitik oy ta Balumile? 10) ¿Kʼusi sbalil tstabe voʼ li teʼetike o kʼuxi chmuy ta yanaltak? 11) ¿Kʼuxi tstabe sbalil voʼ li jbekʼtaltike? 12) Alo jlomuk skʼelobiltak ti kʼuyelan tskolta sbaik li kʼusitik kuxajtike 13) ¿Kʼuxi snaʼik ti jech tskolta sbaik li kʼusitik kuxajtike? 14) ¿Kʼusi chakʼ ta ilel ti lek chapanbil skotol li kʼusitik pasbile?
Jkʼeltik lek li spasbentak Jeovae. Li Jesuse laj yalbe yajtsʼaklomtak ti «[skʼelik] li mutetique» xchiʼuk ti «[skʼelik] cʼu xʼelan chchʼi li nichimetic ta yaxaltique» (Mat. 6:26, 28). Mi jech ta jpastik eke, tstsatsub li xchʼunel koʼontontike, chlik jpat koʼontontik ta stojolal Jeova xchiʼuk chkiltik ti ep sbalil li spʼijilale, li yip sventa tskoltautike xchiʼuk li kʼanelal yuʼune. Mu xkakʼ ti xchʼay koʼontontik li kʼusitik oy liʼ ta balumile, moʼoj, jaʼ lek jchʼakbetik yorail xchiʼuk kakʼtik persa sventa jkʼeltik li kʼusitik jun yutsil spasoj Jeovae xchiʼuk jnoptik lek kʼusi stalelal xuʼ xkilbetik te li Dios kuʼuntike (Sal. 19:1).