Li k’usitik spasoj Jeovae chak’ ta ilel ti sk’anojutike. Ja’ yu’un, oy ta yo’onton chak’butik sbendision ta skoj ti chkak’ kipaltik chijtun ta stojolale.
LI JKUXLEJALTIKE
Li k’usitik spasoj Diose chak’ ta ilel ti sk’anojutike
Ta skoj ti tsinil tajek kabteltike, xu’ van mu xkak’tik venta ti sk’anojutik tajek li Jeova xchi’uk ti toj lek yo’onton ta skoj li k’usitik spasoje. Ja’ yu’un, li Jesuse tstij ko’ontontik ti ak’o jk’eltik li k’usitik pasbile xchi’uk ti jnopbetik sk’oplal k’usi chak’ jchantik ta stojolal Jeovae (Mt 6:25, 26).
MI LA AK’ELIK LI VIDEO LI KʼUSITIK PASBILE CHAKʼ TA ILEL TI SKʼANOJUTIK LI JEOVAE, TAK’IK LI SJAK’OBILTAK LI’E:
¿K’uxi chvinaj ti sk’anojutik Jeova k’alal la spas li k’usitik li’e?
Li oxígeno, carbono, calcio xchi’uk hierro.
Li xpix balumile (atmósfera).
Li yaxale.
Ti k’u yelan pasbil li chonbolometike.
Li jsatik, jni’tik, ketik, jk’obtik xchi’uk li jchikintike.
Li jchinabtike.