Junchib slikeb jloʼiltik
Kʼuyelan xuʼ jlikestik chanubtasel ta Vivlia li ta baʼyel sabado yuʼun julioe
«Epal krixchanoetik li ta jlumaltike tskʼanik ti jal lek skʼupin xkuxlejalike. Jaʼ yuʼun, kʼusi chanop ta sventa liʼe: ¿mi chkʼot van skʼakʼalil xanaʼ ti xuʼ xijkuxi sbatel osil yuʼun li poxiletik xchiʼuk li siensiae? [Akʼo stakʼ.] Kʼelo avil kʼusi chal liʼe.» Akʼbo yil li mantal ta pajina 16 li ta revista Li Jkʼel osil ta toyole, ti jaʼ sventa li 1 yuʼun julioe xchiʼuk koʼol xachanbeik stakʼobil li baʼyel sjakʼobile xchiʼuk junuk li teksto yichʼoj tale. Akʼbo li revistaetike, vaʼun albo ti chasut yan velta sventa xachanik li yan sjakʼobile.
Pʼijan me ta sventa liʼe: Li ta tsobajel sventa cholmantal ta 6 yuʼun julioe, skʼan me xjelav junuk skʼelobil cholmantal ti jaʼ chichʼ tunesel li slikeb loʼil liʼe.
Li Jkʼel osil ta toyole 1 yuʼun julio
«Li buchʼutik ta jchiʼinkutik ta loʼile ep chalik ti oy srelijionike. Pe oy yantike chalik ti mu xa jutebuk tspat yoʼontonik li ta relijione. ¿Kʼu yelan chavil li relijione? [Akʼo stakʼ.] Li Jesuse oy kʼusi laj yal ti jaʼ tskoltautik ta skʼelel kʼuyelan li relijione [kʼelo Lucas 6:44, ta sba vokʼal]. Li revista liʼe chalbe skʼoplal junantik li kʼusitik tspas relijion ti mu lekuke. Jech xtok, te chatabe stakʼobi mi oy junuk relijion ti xuʼ jpat koʼontontik ta stojolale.»
¡Despertad! Julio
«Chivulaʼajkutik sventa xkalbekutik skʼoplal jtos vokolil ti chakʼ at-oʼontone, jaʼ ti muʼyuk tukʼilale. Oy jlome tspasik marcha sventa tslajesbeik skʼoplal taje. ¿Mi oy onoʼox van kʼusi chjel yuʼunik xanaʼ ti jech tspasike? [Akʼo stakʼ.] Kʼelo avil kʼusi chal Vivlia ti xuʼ xjel yuʼun li kʼusitik ta balumile [kʼelo Mateo 6:9, 10]. Li revista liʼe te chal mi jaʼ xchapanobil kʼop li spasel marchae.»
Lekil aʼyejetik yakʼoj Dios
«Ta jvulaʼankutik utsʼ alaliletik li ta kaye liʼe, sventa chkakʼbekutik yil kʼusi chal Vivlia ti tspat oʼontonale. Ep li buchʼutik jchiʼinojkutik xa ta loʼile oy tsjakʼbe sbaik ti kʼu yuʼun yakʼoj to oyuk ep vokolil ta Balumil li Dios ti chkʼanvane. ¿Mi jech onoʼox van oy ta yoʼonton Dios xanaʼ ti oy vokolil ta Balumile?» Akʼo stakʼ. Akʼbo yil li xchanobil 5, kʼelbo li baʼyel chib parafoetike xchiʼuk li tekstoetik yichʼoj tal ti oy ta kursivae. Akʼbo li foyetoe, vaʼun albo ti chasut yan velta sventa xachanik li yan sjakʼobil ti bonbil ta ikʼe.