Jtunestik lek li revistaetik ti mu toj achʼuk slokʼele
Mi te noʼox kʼejel kuʼuntik li revistaetike o ta jchʼaytike muʼyuk me sbalil, jaʼ yuʼun skʼan xkakʼtik persa spukel. Yuʼun xuʼ ta jlik noʼox revista jtijbetik-o yoʼonton li krixchanoetik ta sventa li melele xchiʼuk sventa staik ta naʼel li sbi Diose (Rom. 10:13, 14). Ta jkʼeltik batel jun-chibuk kʼuxi xuʼ xichʼ tunesel lek li revistaetik ti mu toj achʼuk slokʼele.
Kʼalal mi lijbat li ta yosilal cholmantal ti bu mu toj achʼikuk chichʼ abtelanele xuʼ xkiktatik komel revista li ta naetik ti muʼyuk te yajvale xchiʼuk ti muuk xilik yan krixchanoetik ti bu chkiktatike.
Kʼalal ta jcholtik mantal ta skotleb autovus xchiʼuk li grupoe o ta yantike, xuʼ jakʼbetik li buchʼutik te tsmalaik mi tskʼan tskʼelik jlikuk revistae xchiʼuk kakʼbetik yilik jaylikuk sventa stʼujik bu jlikukal tskʼanik.
Kʼalal mi lijbat ta klinika, ta konsulta o ta yantike, ti jaʼ te sbainoj chchol mantal li jtsobobbailtike, xuʼ xkiktatik komel revistaetik ti bu oy tsmala sturnoik li krixchanoetike. Pe mi la jkiltik ti te oy li buchʼu yichʼoj ta venta li abtelale jaʼ lek ti jkʼanbetik permiso baʼyele. Pe mi oy xa onoʼox te revistaetike jaʼ lek ti mu xa xkiktatik komele.
Kʼalal ta jchapan jbatik sventa chbat jchaʼvulaʼantik li krixchanoetike, jnoptik kʼusitik xuʼ xtijbat-o yoʼontonik ta jujuntal. ¿Mi oy yalab xnichʼnabik? ¿Mi lek xaʼiik paxyal? ¿Mi lek xaʼiik stsʼunel nichimetik? Jkʼeltik baʼyuk li revistaetik ti mu toj achʼuk slokʼel kʼusi xuʼ xtijbat-o yoʼontonik li krixchanoetik yoʼ xkiktabetik komel kʼalal mi bat jkʼeltike.
Kʼalal mi la jtatik ta chiʼinel ta loʼil yan velta junuk krixchano ti oy xa ta jayib u muʼyuk bu jtatik-o ta sna ti lek chaʼi mantale, xuʼ xkakʼbetik yil jaylikuk revista ti muʼyuk kakʼojbetike.