Kʼuxi ta chapel li kʼusitik jchʼunojtik sventa 1914
Li Vivliae tstij koʼontontik ti skʼan chapalutik ta stakʼel li kʼusitik jchʼunojtike, pe ‹skʼan ta smukʼuluk koʼontontik xkaltik xchiʼuk ichʼvankutik ta mukʼ› (1 Ped. 3:15, 16). Melel onoʼox ti maʼuk kʼun ta chapbel smelolal junantik chanubtaseletik ta Vivlia ti tsotsik ta aʼiele, jech kʼuchaʼal ta sventa li Ajvalilal yuʼun Dios ti lik ajvalilajuk ta 1914. Sventa xijtojob xchapbel smelolale, chapanbil chaʼvokʼ mantal ti xi sbie: «Chloʼilaj xchiʼuk slakʼna jun stestigo Jeova: ¿Bakʼin lik ajvalilajuk li Ajvalilal yuʼun Diose?». Li mantaletik taje te chlokʼ ta revista Li Jkʼel osil ta toyole, ti jaʼ chkakʼtik ta cholmantal ta oktuvre xchiʼuk ta noviembre. Mi la akʼel li revistaetike, nopbo skʼoplal li sjakʼobiltak liʼe, vaʼun kʼelo kʼu yelan la stakʼ li jcholmantal ti Julio sbie.
¿Kʼuxi...
... jaʼ la sloʼilta li kʼusi xojtikin li krixchanoe xchiʼuk kʼuxi la skʼupil kʼopta? (Hech. 17:22.)
... la xchapbe smelolal kʼusi xchʼunoj ti muʼyuk la stoy-o sbae? (Hech. 14:15.)
¿Kʼu yuʼun lek ti...
... chchaʼalik li kʼusi skʼelojik xa kʼalal skʼan toʼox xjelavik ta yan mantale?
... chichʼ jakʼilanbel bateltik li Ernesto sventa xvinaj mi xaʼibe smelolal li kʼusi chchanike?
... muʼyuk laj yalbe skʼoplal ep ta tos mantaletik kʼalal bat svulaʼan li Ernestoe? (Juan 16:12.)
Ta jtojbetik tajek ta vokol Jeova, li lekil «Jchanubtasvanej» kuʼuntik, ti tskoltautik ta xchapbel smelolal li buchʼutik tskʼan tsnaʼik li melel chanubtaseletik ta Vivlia ti tsotsik ta aʼiele (Is. 30:20).