Jun achʼ abtejebal sventa tskoltautik ta xchanel Vivlia

Ta smiyonal noʼox ermanoetike stunesojik sventa chchan Svivlia stukik li Índice de las publicaciones Watch Tower sbie. Pe ta skoj ti jaʼ jlik vun ti ep kʼusi chalbe skʼoplale, ta junantik noʼox kʼop oy. Yan li foyeto Saʼobil sventa xchanik mas li stestigotak Jeovae oy van ta 170 kʼopetik. Jutuk mu skotoluk li butik chtakvan batele jaʼ li ta vunetik ti lik yichʼ pasel talel ta sjabilal 2000. Li foyeto taje muʼyuk laj yichʼ pasel imprimir li ta kʼopetik ti oy yuʼunik li Índice sbie, pe xuʼ te staik li ta Watchtower Library xchiʼuk li ta VIVLIOTEKA TA INTERNET yuʼun Watchtower. Li achʼ abtejebal taje toj jtunel sventa xatabe stakʼobil li kʼusitik chichʼ jakʼel ta sventa Vivliae, sventa xatabe mas yaʼyejal li kʼusi oy ta avoʼonton xchanele, kʼalal chachapan aba ta sventa tsobajeletik o ta sventa li yichʼel ta mukʼ Jeova ta avutsʼ avalale.