Akʼo ta avoʼonton skotol li kʼusitik laj kalbote

Li totil meʼiletike xuʼ jkoʼoltastik kʼuchaʼal jchabichij. Jech oxal skʼan jech xchabi yalab xnichʼnabik kʼuchaʼal tskʼel xchijtak li jchabichije. Yuʼun xuʼ xchʼay jlomuk, vaʼun chil svokolik (Prov. 27:23). ¿Kʼuxi xuʼ xkʼotik ta lekil jchabichij li totil meʼiletike? Toj tsots skʼoplal ti xchʼak lek skʼakʼalik sventa xchiʼinik ta loʼil jujun kʼakʼal li yalab xnichʼnabike. Mi jech tspasike jaʼ noʼox me jech tsnaʼik li kʼusi oy ta snopben xchiʼuk ta yoʼontone (Prov. 20:5). Jech xtok skʼan me stsatsubtasbeik lek xchʼunel yoʼonton li yalab xnichʼnabik sventa xkuch yuʼunik li kʼusitik tsnuptanike (1 Kor. 3:10-15). Li video Estas palabras tienen que estar en tu corazón sbie, chakʼ ta ilel ti toj tsots skʼoplal ti xichʼ pasilanel li yichʼel ta mukʼ Jeova ta utsʼ alalile. Jmoj xakʼelik li videoe, mi laje takʼik li sjakʼobiltak liʼe:

1) Li utsʼ alalil Romane, ¿kʼu yuʼun muʼyuk toʼox yakʼoj ta yoʼontonik li kʼusitik sventa mantale? 2) Kʼalal laj yakʼ persa sventa jmoj xchanik Vivlia xchiʼuk yutsʼ yalal li ermano Romane, ¿kʼu yuʼun muʼyuk lek kʼot ta pasel? 3) Jech kʼuchaʼal chal li Vivliae, ¿kʼuxi xuʼ lek xichʼik tsʼitesel li alab nichʼnabiletike? (Deut. 6:6, 7.) 4) ¿Kʼusi stakʼ pasel sventa masuk lek xchiʼin sbaik ta loʼil li utsʼ alalile? 5) ¿Kʼusitik skʼan oyuk ta yoʼontonik yiktael li totil meʼiletik sventa skʼel lek li yalab xnichʼnabike? 6) Li ermano Vargas xchiʼuk yajnile, ¿kʼuxi la skoltaik li utsʼ alalil Romane? (Prov. 27:17.) 7) Li totile ¿kʼu yelan skʼan xchapan li akʼobal sventa yichʼel ta mukʼ Jeova mi skʼan lek tskʼupinike? 8) ¿Kʼusi la spas li ermano Román sventa xlekub ti kʼu yelan xil sbaik li ta yutsʼ yalale? 9) ¿Kʼu yuʼun skʼan xichʼ pasilanel li yichʼel ta mukʼ Jeova ta kutsʼ kalaltike? (Efes. 6:4.) 10) Alo jlomuk kʼusitik stakʼ pasel li ta akʼobal sventa yichʼel ta mukʼ Diose. 11) Kʼalal laj yalbe sbankilal kerem li Tomás ti tsots skʼoplal skʼan pasel li kʼusi leke, ¿kʼu yuʼun lek ti jpʼel yoʼonton li kʼusi laj yalbee xchiʼuk ti muʼyuk kap sjole? (Jer. 17:9.) 12) Li Tomás xchiʼuk Monicae, ¿kʼuxi la skoltaik li stsebik sventa xakʼ venta ti muʼyuk lek li kʼusi yakal tsnop ta stojolal li Justine? (Mar. 12:30; 2 Tim. 2:22.) 13) Li ermano Tomás xchiʼuk yajnile, ¿kʼu yuʼun xuʼ xkaltik ti laj yakʼik ta ilel ti oy xchʼunel yoʼontonik kʼalal la sjutukajesik li kʼusitik oy yuʼunike? (Mat. 6:33.) 14) Li video liʼe, ¿kʼuxi chkoltaatik-o li joliletik ta utsʼ alalil yoʼ xakʼik venta li kʼusitik chtun yuʼunik ta mantal li yutsʼ yalalike? (1 Tim. 5:8.) 15) ¿Kʼusi skʼan jpʼeluk ta yoʼontonik spasel li joliletik ta utsʼ alaliletike?

MANTAL SVENTA LI TOTIL MEʼILETIKE: Kʼalal laj yichʼ jelubtasel ta mukʼta tsobajel ta oxib kʼakʼal ta 2011 li drama taje, ¿mi laj avakʼ venta ti xuʼ xlekub ti kʼu yelan chajelubtas li yichʼel ta mukʼ Jeova ta avutsʼ avalale? Xchiʼuk kʼalal laj akʼel liʼ video liʼe, ¿mi la skoltaot sventa xavakʼ venta bu to skʼan mas xa-abtej? Kʼanbo koltael Jeova sventa spas batel avuʼun yoʼ sta skolebal li avutsʼ avalale (Efes. 5:15-17).