Sventa xijkʼot ta lekil jchanubtasvaneje skʼan jchapan jbatik

Oy chaʼvoʼ krixchano ti oy kʼusi la sjakʼbeik Jesus ta sventa li kuxlejal sbatel osile. Jelel kʼusi la stakʼbe ta jujuntal yuʼun la stsak ta venta li kʼusitik snaʼike (Luk. 10:25-28; 18:18-20). Jaʼ jech skʼan jpastik ek, skʼan me baʼyel jchapan jbatik xchiʼuk teyuk ta jnopbentik li kʼusitik chtun yuʼun li kaj-estudiotike, akʼo me jnaʼtik xa lek li kʼusi chbat kakʼtik ta chanele. ¿Kʼusi ti toj vokol chaʼibe smelolale xchiʼuk ta pasele? ¿Kʼusi tekstoal skʼan jchankutik ti te talem ta parafoetike? ¿Kʼu yepal skʼan jchankutik jujukoj? Yikʼaluk van skʼan jnoptik ta sventa junuk skoʼoltasobil, kʼuxi xuʼ xkalbetik smelolal o ti jnoptik kʼusitik xuʼ jakʼbetik sventa xaʼibe smelolal li kʼusi yakal chchane. Jech xtok, jaʼ Jeova ti buchʼu chakʼ chʼiuk ta yoʼonton mantal li krixchanoetike. Jaʼ yuʼun, jkʼanbetik ti akʼo xakʼbe bendision li kaj-estudiotike, kʼalal ta jchapan jbatike xchiʼuk kʼalal chkakʼ kipaltik ta skoltaelik ta mantale (1 Kor. 3:6; Sant. 1:5).