Jvokʼ ti bu oy sjakʼobile

◼ ¿Bakʼin sta-o ti jkechantik yakʼel junuk estudioe?

Mi muʼyuk chchʼi ta mantal li buchʼu chkakʼbetik estudioe, skʼan me xkalbetik ta slekil koʼontontik ti ta jkechanbetik li s-estudioe (Mat. 10:11). Xi xajakʼbe abae: ¿Mi te tsmala skotol velta li s-estudioe? ¿Mi baʼyel xa onoʼox chchapan li kʼusi ta jchankutike? ¿Mi ayem xa junuk velta ta tsobajel? ¿Mi chalbe batel yantik li kʼusi yakal chchane? ¿Mi oy kʼusi sjeloj ta xkuxlejal ta skoj ti xchanoj xa li beiltaseletik ta Vivliae? Skʼan me jtsaktik ta venta ti jayib sjabilale xchiʼuk ti kʼusitik xtojob spasele, yuʼun mu koʼoluk kʼu yelan chchʼiik ta mantal. Mi kʼot ta nopel kuʼuntik ti ta jkechanbetik li s-estudioe, kalbetik me yaʼiik ti xuʼ xlik yichʼ s-estudioik ta tsʼakale (1 Tim. 2:4).