Tojobkutik batel mas li ta cholmantale: Kiktatik junuk sjakʼobil yoʼ xbat jchaʼvulaʼantik li krixchanoe

¿KʼU YUʼUN TSOTS SKʼOPLAL?

Oy ta koʼontontik ti xkatʼestik o xkakʼbetik yaʼlel ti sbekʼ kʼusi la jtsʼuntike, jaʼ xkaltik, li kʼusi melele (1Ko 3:6). Mi oy la jtatik junuk krixchano ti oy ta yoʼonton li mantale, jaʼ me lek ti xkiktabetik junuk sjakʼobil sventa xbat jtakʼbetik mi bat jchaʼvulaʼantike. Ti jaʼ chakʼbe snop li krixchanoe xchiʼuk mas xa kʼun chkaʼitik jchapan jbatik sventa jpastik li revisitae. Kʼalal mi lijkʼote xuʼ xkalbetik ti jaʼ ta jtakʼbetik li sjakʼobil laj kiktabetike.

¿KʼUXI TA PASEL?

• Kʼalal chachapan li kʼusi chaval li ta cholmantal ta naetike, nopo kʼusi sjakʼobil xuʼ xaviktabe komel li yajval nae. Xuʼ jaʼ xatunes li sjakʼobil li ta vun ta xavakʼ komele. Xuʼ te xata xtok li ta vunetik ti ta jtunestik sventa chkakʼtik estudioe xchiʼuk ti xkakʼbetik yil mi sut jkʼeltike.

• Kʼalal mi laj xaʼox avoʼonton ta loʼil xchiʼuk li krixchano ti lek laj yaʼi mantale, albo ti chakʼan chachiʼin ta loʼil yan veltae xchiʼuk albo li sjakʼobil anopoje. Mi xuʼ chavile, jakʼbo bu nakal.

• Mi laj aval kʼusi ora chakʼote, paso me li kʼusi laj avale (Mt 5:37).