KʼUSITIK KʼUPIL SBA TA VIVLIA | SALMOS 34-37
Pato avoʼntonic yuʼun li Mucʼul Diose; jaʼ pasic li cʼusitic leque
«Mu me xtiʼetuc avoʼnton yuʼun li bochʼotic chopol cʼusitic tspasique»
Mu me xavakʼ xchʼay avoʼonton ta spasbel yabtel Jeova li kʼusitik lek tstaik yileluk li chopol krixchanoetike. Jaʼ akʼo ta avoʼonton li kʼusi chakʼan chatae xchiʼuk li bendisionetik ataoje.
«Pato avoʼntonic yuʼun li Mucʼul Diose; jaʼ pasic li cʼusitic leque»
Pato avoʼonton ti chchabiot Jeova kʼalal oy kʼusi chavul-o avoʼontone o xchibet avoʼontone. Ta me skoltaot sventa tukʼuk avoʼonton.
Akʼo ta avoʼonton li xcholel li lekil aʼyejetik ta sventa li ajvalilal yuʼun Diose.
«Acʼo avoʼnton o ta stojol li Mucʼul Diose»
Chʼakbo yorail sventa xachan li Skʼop Diose xchiʼuk nopbo skʼoplal sventa xavojtikin lek li Jeovae.
«Acʼbo sventain Mucʼul Dios scotol li cʼusi chapase»
Xuʼ xachʼun ta sjunul avoʼonton ti tskoltaot Jeova sventa stsal avuʼun kʼusiuk vokolal.
Lekuk atalelal kʼalal chavichʼ chopol kʼoptael, nutsel o kontrainele.
«Mu me xacʼopojic ta stojol li Mucʼul Diose; malao avaʼyic cʼu xʼelan chascoltaoxuc»
Mi cha-ilin ta anile muʼyuk xa me xamuyubaj xchiʼuk muʼyuk xa me lek chavil aba xchiʼuk li Jeovae.
«Li bochʼotic biqʼuit chacʼ sbaique jaʼ chuʼuninic o li yosilalique»
Manxouk xavakʼ aba, lekuk avoʼonton xchiʼuk pato avoʼonton ti tskoltaot Jeova ta kʼusiuk chopol chavichʼ pasbele.
Sventa xakolta li ermanoetike xchiʼuk xapatbe yoʼonton li buchʼu chat yoʼontonike, albo ti poʼot xa xichʼ talel lekilal ta balumil li Diose.
Li Ajvalilal yuʼun Mesiase chichʼ talel epal bendisionetik.