Li chanubtasel chakʼbutik Diose tskoltautik sventa mu kʼusi chopol jnoptik ta stojolal yantik

Mu snaʼ xtʼujvan li Jeovae (Ech 10:34, 35). Lek chil skotol li krixchanoetike, mu ventauk bu lumal likemik, bu snitilulalik, steklumalik o kʼusi kʼopal chkʼopojik (Ap 7:9). Jaʼ yuʼun li ta tsobobbaile muʼyuk me lek ti oy kʼusi chopol ta jnoptik ta stojolal li yantike xchiʼuk ti xijtʼujvane (Snt 2:1-4). Yakal xa ta jkʼupintik li paraiso ta mantale, yuʼun kilojtik ti kʼuxi sjeloj xa stalelalik li krixchanoetike (Is 11:6-9). Mi ta jlokʼes ta koʼontontik li kʼusi chopol ta noptik ta stojolal yantike, jaʼ jech chkakʼtik ta ilel ti yakal ta jchanbetik stalelal li Diose (Ef 5:1, 2).

KʼELO LI VIDEO: JOHNY XCHIʼUK GIDEON: JKONTRA TOʼOX PE LI AVIE KERMANO XA. MI LAJE TAKʼO LI SJAKʼOBILTAK LIʼE:

• Li chanubtasel yuʼun Jeovae, ¿kʼu yuʼun xuʼ tslajesbe skʼoplal li kʼusi chopol chichʼ nopel ta stojolal yantik xchiʼuk li pʼajbail ti jaʼ mu spas yuʼun li krixchanoetike?

• ¿Kʼusi ti mas labal sba chavil ta sventa li kermanotaktik oy ta spʼejel Balumile?

• ¿Kʼu yuʼun jaʼ yichʼobil ta mukʼ Jeova ti jmoj tsobolutike?