¿Kʼu yelan li melel kʼanbaile?

Li Jeovae la spas li nupunel sventa jmoj oyikuk-o ta sjunul xkuxlejalik li jun vinik xchiʼuk li jun antse (Gé 2:22-24). Jaʼ noʼox stakʼ xtuchʼ snupunelik mi oy buchʼu mulivaj junukal yuʼunike (Mal 2:16; Mt 19:9). Li Jeovae tskʼan ti xmuyubajik noʼox li buchʼutik nupunemike, jaʼ yuʼun yakʼoj talel beiltaseletik ti jaʼ chkoltavan sventa xtojobikuk ta stʼujel li snup xchiʼilike xchiʼuk ti xmuyubajikuk noʼox li ta snupunelike (Ec 5:4-6).

MI LAJ AKʼEL LI VIDEO ¿KʼU YELAN LI MELEL KʼANBAILE?, TAKʼO LI SJAKʼOBILTAK LIʼE:

• 

  ¿Kʼu yuʼun lek ti akʼbat tojobtasel yuʼun stot smeʼ li Laurae?

• ¿Kʼu yuʼun mu lekuk ti xanop ti xuʼ xjel avuʼun li jun krixchano ti yakal chavojtikine?

• Li Pablo xchiʼuk Priscilae ¿kʼusi lekil pʼijubtasel laj yakʼbeik li Laurae?

• 

  ¿Kʼu yuʼun toj ep laj yil svokol ta snupunelik li Daniel xchiʼuk Ceciliae?

• 

  ¿Kʼusi ti koʼol tskʼan tstaik ta mantal li Juan xchiʼuk Laurae?

• ¿Kʼu yuʼun skʼan xkojtikintik lek li jun krixchano kʼalal skʼan toʼox xijnupun xchiʼuke? (1Pe 3:4).

• ¿Kʼusi jaʼ li melel kʼanelale? (1Ko 13:4-8).