¿Kʼusi skʼan jpastik sventa jtsʼaklitik batel li Jesuse?

9:62

Li jun jtsʼunolajele skʼan mu xchʼay yoʼonton sventa lekuk xcholet xbat li kʼusi tstsʼune. Li yajtsʼaklomutik Kristo eke skʼan mu xkakʼtik akʼo xbat ta koʼontontik li kʼusitik kiktaojtik komele (Flp 3:13).

Kʼalal ta jnuptantik vokoliletike, xuʼ van mas anil xchʼay ta joltik li kʼusitik jpasojtik talele xchiʼuk ti xlik jnoptik ti kʼu toʼox yelan jkuxlejaltik kʼalal mu toʼox xkojtikintik li Jeovae. Kʼalal jech chlik jnoptike, xuʼ van xlik kaltik ti jaʼ mas ep kʼusitik lekik la jtatike, ti jaʼ muʼyuk ta jnoptik li kʼusi chopol kʼot ta jtojolaltike. Taje jaʼ jech la spasik li j-israeletik kʼalal lokʼemik xa ox tal ta Ejiptoe (Nú 11:5, 6). Mi chlik jnoptik li kʼusitik jpasojtik ta voʼnee xuʼ me jaʼ stij koʼontontik yoʼ jchaʼpastik ti kʼu toʼox yelan jkuxlejaltike. Jaʼ yuʼun jaʼ mas lek ti jnopbetik skʼoplal li bendisionetik oy kuʼuntik li avie xchiʼuk teuk ta joltik li bendisionetik chakʼbutik li Ajvalilal ta mas tsʼakale (2Ko 4:16-18).