Li kabteltik ta koltavaneje

8:1-4; 9:7

Oy chaʼtos kʼusitik ta jpastik li stestigoutik Jeovae: 1) «li lekil aʼyejetik ta sventa li jun oʼontonale», jaʼ xkaltik, li cholmantal xchiʼuk li chanubtasel chkakʼtike xchiʼuk 2) «li ta abtelal sventa tskoltaik li buchʼutik chʼule», jaʼ xkaltik, kʼalal ta jkoltatik li kermanotaktik ti chil svokolike (2Ko 5:18-20; 8:4). Jaʼ yuʼun chaʼa, jaʼ jtos chʼul abtelal ta jpastik kʼalal ta jkoltatik li kermanotaktike xchiʼuk jaʼ jech yakal ta jpastik kʼuchaʼal liʼe:

• Ti chkakʼbetik li kʼusitik chtun yuʼun li kermanotaktike (2Ko 9:12 sbavokʼal).

• Ti jkoltatik li buchʼutik laj yil svokolik sventa spasik-o batel li kʼusitik sventa mantale, jech kʼuchaʼal ti mu xlubtsajik li ta cholmantale, yuʼun jaʼ jech chakʼik ta ilel ti tstojbeik ta vokol li Diose (2Ko 9:12 xchaʼvokʼal).

• Ti jmuyubtatik li Jeovae (2Ko 9:13). Kʼalal ta jkoltatik li ermanoetik ti chil svokolike, yakal chichʼ akʼel ta ilel li lekil aʼyeje xchiʼuk chakʼik venta ek li buchʼutik chopol chkʼopojik ta jtojolaltike.