¿Mi chakʼan cha-och ta prekursor auksiliar li ta marso o ta avrile?

¿Mi chakʼan chatun mas ta stojolal Jeova li ta yuilal Konmemorasione? (2Ko 5:14, 15). Li prekursor auksiliaretike xuʼ jaʼ noʼox xakʼik 30 o 50 ora li ta yuilal marso xchiʼuk avrile. Mi xuʼ avuʼun cha-oche akʼbo asolisitud li Komite sventa Abtelal ta Tsobobbaile. Li buchʼutik chtunik ta auksiliar li vaʼ chib ue, chichʼ alel ta tsobobbail sventa xkoltaatik yuʼun li ermanoetike. Kakʼtik persa sventa xijtojob lek ta cholmantal xchiʼuk tal bat jkolta jbatik li ta yuilal Konmemorasione (1Te 5:11).