Kʼuxi xuʼ xkepajes mas kabteltik sventa jmuyubtatik li Jeovae
1. ¿Kʼusitik achʼ chapanbil ti tskoltautik sventa «mu xlaj o coʼnton[tik] ta stojbel ta vocol Mucʼul Dios[e]»?
1 Li echʼ marsoe laj yichʼ alel ti xuʼ jech x-abtejik batel jujun jabil ta prekursor auksiliar ti jaʼ noʼox 30 ora ch-abtejik li ta yuilal marso xchiʼuk avrile, jech xtok, xuʼ jech spasik kʼalal jaʼo yorail tsvulaʼan tsobobbail li jkʼelvanej ta sirkuitoe. Pe mi jaʼo yorail chvulaʼanvan li jkʼelvanej ta sirkuito kʼalal slajebtik xaʼox u ti jaʼo chlik li yan ue, li jcholmantale xuʼ stʼuj junuk u sventa x-abtej ta prekursor auksiliar. Skotol li prekursor auksiliaretike xuʼ te xkomik ta sjunul li tsobajel ch-echʼ yuʼunik li prekursor regularetik xchiʼuk espesialetike. Akʼo mi mu xpas kuʼuntik ti 50 ora chij-abteje xuʼ onoʼox «mu xlaj o coʼnton[tik] ta stojbel ta vocol Mucʼul Dios» kʼalal 30 ora ta jcholtik mantal ta jujun ue xchiʼuk ti xuʼ jech jpastik chanib velta ta jabile (Salmo 109:30; 119:171).
2. ¿Kʼusi van xuʼ spas li prekursor auksiliaretik sventa skʼupinik ti chvulaʼanvan li jkʼelvanej ta sirkuitoe?
2 Kʼalal jaʼo chvulaʼanvan li jkʼelvanej ta sirkuitoe. Xuʼ xa me ep buchʼutik x-abtejik li ta prekursor auksiliar kʼalal jaʼo chvulaʼanvan li jkʼelvanej ta sirkuitoe xchiʼuk ti skʼupinik li spatobil oʼontonal tstaik kʼalal chcholik mantal xchiʼukike (Rom. 1:11, 12). Li prekursor auksiliaretike xuʼ van xchʼakik junuk kʼakʼal ta xemana sventa xcholik mantal xchiʼuk li jkʼelvanej ta sirkuitoe. Li buchʼutik ch-abtejik ta lunes kʼalal ta viernese xuʼ sjakʼbeik jkʼelvanej ta sirkuito mi xuʼ xcholik mantal xchiʼukik li ta sabado o ta domingoe. Jech xtok, ti xuʼ te xkomik ek li prekursor auksiliaretik li ta tsobajel ch-echʼ yuʼunik li prekursor regularetik xchiʼuk espesialetike jaʼ chpatbat-o yoʼontonik.
3. ¿Kʼu yuʼun toj lek sventa xij-abtejutik ta prekursor auksiliar li ta yorail Snaʼobil slajel Cristoe?
3 Ta yuilal marso xchiʼuk avril. Mi abtejemutik xa onoʼox ta prekursor auksiliar ti 30 ora noʼox ta jcholtik mantal li ta yorail Snaʼobil slajel Cristoe xuʼ xa me mas to «[x]calbetic slequilal» li Diose (Heb. 13:15). Li ta yuilal marso xchiʼuk avrile xuʼ me mas xkakʼbetik yorail cholmantal kʼalal chij-abtej ta prekursor auksiliare. Li ta marso xchiʼuk avril ta jujun jabile xuʼ me xij-abtejutik li ta kampanya sventa jtaktik ta ikʼel li yan krixchanoetike. Ta skoj ti ep buchʼutik chepajesik li yorail chcholik mantal li ta u taje xuʼ ep buchʼutik jchiʼintik ta cholmantal. Mi echʼ xaʼox li Snaʼobil slajel Cristoe xuʼ me jtijbetik yoʼonton xtok sventa xbat kʼalal ch-echʼ li mantal ti tsots skʼoplale. Ti oy xa chanib u mas sventa xij-abtej ta prekursor auksiliar ti 30 ora noʼox chichʼ kʼanele, ¿mi tstij van avoʼonton sventa xa-abtej li ta prekursor auksiliare? (Luc. 6:45.)