Ta jkʼupil kʼoptatik-o Jeova mi chijtun ta prekursore

Li j-israeletike oy tajek srasonal yuʼunik sventa skʼupil kʼoptaik li Jeovae, yuʼun lokʼesatik tal ta Ejipto xchiʼuk laj yichʼik pojel li ta yajsoltarotak faraone (Eks 15:1, 2). Li Jeovae jech-o lekik kʼusi tspas ta stojolal li steklumale. ¿Kʼuxi xuʼ jtojbetik ta vokol? (Sl 116:12).

Xuʼ xijtun ta prekursor auksiliar o regular. Jkʼanbetik Jeova sventa xlokʼuk ta koʼontontik spasel xchiʼuk ti xakʼ kipaltik sventa spas kuʼuntike (Flp 2:13). Ep buchʼutik jaʼ baʼyel ch-ochik li ta prekursor auksiliare. Li ta yuilal marso xchiʼuk avrile xuʼ jaʼ noʼox jsaʼtik 30 o 50 ora, taje xuʼ jech jpastik xtok kʼalal chkʼot svulaʼanutik li jkʼelvanej ta sirkuitoe. Mi la jkʼupintik spasel li prekursor auksiliare xuʼ me stij koʼontontik sventa jnoptik xijtun ta prekursor regular. Akʼo mi oy buchʼutik ch-abtejik sjunul kʼakʼal o mi ip noʼox chaʼiik, pasem tal yuʼunik li prekursor regulare (mwb16.07 paj. 8). ¿Mi mu stauk-o ti xkakʼ kipaltik sventa jkʼupil kʼoptatik li Jeovae? (1Kr 16:25).

MI LA AKʼELIK LI VIDEO OXVOʼ TSEBETIK TA MONGOLIA, TAKʼIK LI SJAKʼOBILTAK LIʼE:

• 

  ¿Kʼusi vokoliletik la stsalik li ermanaetik sventa xtunik ta prekursorale?

• 

  ¿Kʼusi bendisionetik staojik?

• 

  Ta skoj ti chtunik ta prekursorale, ¿kʼusitik yan la spasik sventa xtunik mas ta stojolal li Jeovae?

• 

  ¿Kʼuxi la stabeik sbalil yantik li kʼusi la spasike?