LI JKUXLEJALTIKE
Muʼyuk kʼusi laj yichʼ chʼayel
Ta skʼelobil juʼelal la smakʼlin voʼmil viniketik li Jesuse, ti muʼyuk te tsakal skʼoplal li antsetik xchiʼuk ololetike, vaʼun xi laj yalbe yajchankʼoptake: «Tsobbeik li skomenal sventa mu kʼusi xichʼ ixtolanele» (Jn 6:12). Kʼalal laj yal ti akʼo xichʼ tsobel li skomenale, jaʼ jech laj yakʼ ta ilel Jesus ti tstojbe ta vokol Jeova li slekil yoʼontone.
Li avi eke, li Jtsop Jbeiltasvaneje chakʼik persa xchanbel Jesus sventa lekuk stunesik li kʼusitik yuʼun Diose. Jech kʼuchaʼal liʼe, kʼalaluk la svaʼanik li Smeʼ nail abtelal ta Warwick (Nueva York), la skʼelik lek ti kʼu yelan tsvaʼanik li naetik yoʼ lekuk stunesik li matanal takʼin chichʼ akʼele.
¿KʼUXI XUʼ JTUNESTIK LEK LI KʼUSITIK KʼALAL...
... te oyutik ta tsobajele?
... ta jkʼantik li vunetik ti voʼotik noʼox ta jtunestike? (km 5/09 paj. 3 par. 4).
... ta jkʼantik li vunetik sventa xkakʼtik ta cholmantale? (mwb17.02 «Lekuk jtunestik li vunetik lokʼem ta Vivliae» par. 1).
... ta jcholtik mantale? (mwb17.02 «Lekuk jtunestik li vunetik lokʼem ta Vivliae» par. 2 xchiʼuk rekuadro).