LI JKUXLEJALTIKE
Jmalatik li kʼusi chtale
¿Kʼu xa sjalil amalaoj tal ti chtal li Ajvalilal yuʼun Diose? ¿Mi yakal chkuch batel avuʼun akʼo mi ep kʼusitik chanuptan? (Ro 8:25). Jlom yajtsʼaklomtak Kristoe chichʼik pʼajel, ilbajinel, chtikʼatik ta chukel xchiʼuk ch-albatik ti ta la xmilatike. Li yantik xtoke yakal chil svokolik ta skoj ti oy xa sjabilalike o ti tsakbilik ta tsatsal chamele.
¿Kʼusi skʼan jpastik sventa xkuch batel kuʼuntik akʼo mi ep kʼusitik ta jnuptantik? Skʼan jchantik skotol kʼakʼal li Vivlia sventa jtsatsubtastik li xchʼunel koʼontontik xchiʼuk jnopbetik skʼoplal li kʼusi ta jkʼeltike xchiʼuk teuk ta joltik li spatobil koʼontontike (2Ko 4:16-18; Evr 12:2). Jkʼanbetik vokol Jeova sventa xakʼ kipaltik li ta xchʼul espiritue (Lu 11:10, 13; Evr 5:7). Li jkʼanvanej Totil kuʼuntike ta me skoltautik sventa oyuk smalael kuʼuntik xchiʼuk ti ta muyubajeluk xkuch kuʼuntike (Kol 1:11).
MI LA AKʼELIK LI VIDEO SKʼAN XKUCH KUʼUNTIK LI ANILAJELE—JPAT KOʼONTONTIK TI TA JTA JMOTONTIKE, TAKʼIK LI SJAKʼOBIL LIʼE:
¿Kʼusi van xuʼ xkʼot ta jtojolaltik ti muʼyuk jech jmalaojtik chkʼot ta pasele? (Ec 9:11).
¿Kʼuxi tskoltautik li orasion sventa stsal kuʼuntik li prevaetike?
Mi mu xa spas kuʼuntik li yabtel Jeova kʼuchaʼal ta jpastik toʼoxe, ¿kʼu yuʼun jaʼ skʼan xkakʼ ta koʼontontik li kʼusi spas kuʼuntike?
Jaʼ akʼo ta avoʼonton li matanale.
¿Kʼusi tskoltaot sventa jechuk-o xapat avoʼonton ti chata li matanale?