Jtunestik videoetik sventa jchanubtastik ta Vivlia li kaj-estudiotike

Jtunel tajek li kʼusitik xkiltike, yuʼun jaʼ tskoltautik sventa xkaʼibetik smelolal li kʼusi ta jchantike xchiʼuk ti xkom ta joltike. Li Jeova ti jaʼ li Mukʼta Jchanubtasvanej kuʼuntike, la stunes li kʼusitik xvinaj ta kʼelel sventa xakʼ ta chanel li kʼusitik tsotsik skʼoplale (Gé 15:5; Jer 18:1-6). Jaʼ jech la spas ek li Jesus ti jaʼ li Mukʼta Jchanubtasvaneje (Mt 18:2-6; 22:19-21). Li kʼusi mas jtunesojtik talele jaʼ li videoetike. ¿Mi yakal ta jtunestik videoetik sventa jchanubtastik ta Vivlia li kaj-estudiotike?

Li avie oy xa lajuneb videoetik ti tskoltautik ta xchapbel smelolal li xchanobiltak li ta foyeto Lekil aʼyejetik yakʼoj Dios. Jutuk mu skotoluk li stituloal videoetike jaʼ te lokʼesbil ta junuk sjakʼobil li ta foyeto ti bonbil ta ikʼe. Li foyeto ti te oy li ta jpajinatike te chvinaj kʼusi videoal skʼan xkakʼtik ta ilel. Jech xtok, oy to yan videoetik ti xuʼ xkakʼtik ta ilel kʼalal ta jtunestik li abtejebaletik sventa xijchanubtasvane.

¿Mi vokol chaʼibe smelolal avaj-estudio ta sventa li kʼusi yakal chachanike o mi oy kʼusi yakal tsnuptan? Saʼo junuk video ta jw.org® o ta Kanal JW ti xuʼ xkoltaate. Xuʼ jmoj xakʼelik, vaʼun albeik smelolal.

Li ta jujun ue chlokʼ jun achʼ video, vaʼun mi la akʼele nopo kʼuxi xuʼ xatunes sventa xachanubtas li yantike.