Tojobkutik batel mas li ta cholmantale: Tuneso li videoetik sventa xavakʼ ta ojtikinel li kʼusi melele

¿KʼU YUʼUN TSOTS SKʼOPLAL?

Li videoetike chkʼot ta yoʼonton li krixchanoetike yuʼun chtijbat yoʼontonik li kʼusi chilik xchiʼuk chaʼiike. Taje jaʼ sventa mas xchikintaik li krixchanoetike xchiʼuk sventa mu xchʼay ta sjolik ta anil li kʼusi laj yaʼiike. Li Jeovae yakʼojbutik jun lekil skʼelobil yuʼun tstunes skʼelobiltak sventa chchanubtasutik (Ech 10:9-16; Ap 1:1).

Li videoetik ¿Mi oy sbi li Diose?, ¿Buchʼu la spas li Vivliae? xchiʼuk ¿Kʼu yuʼun xuʼ jchʼuntik ti melel kʼusi chal li Vivliae? Ti jaʼ te chalbe skʼoplal li ta xchanobil 2 xchiʼuk 3 li ta foyeto Lekil aʼyejetik[e]. Li videoetik ¿Kʼu yuʼun skʼan jchantik li Vivliae?, ¿Kʼu yelan chichʼ akʼel li chanubtasel ta Vivliae? xchiʼuk ¿Kʼu yelan li jtsobajelkutike? tstijbe yoʼonton krixchanoetik sventa xchʼamik junuk chanubtasel ta Vivlia xchiʼuk xbatik li ta tsobajeletike. Jech xtok junantik videoetike xuʼ xkakʼtik iluk kʼalal jaʼo chkakʼtik estudioe (km 5/13 paj. 3).

¿KʼUXI TA PASEL?

• Yaleso baʼyel li video ti chakʼan chavakʼbe iluk li yajval nae.

• Chapano jun chibuk sjakʼobil ti te tstabe stakʼobil ta videoe li krixchanoe.

• Jmoj xakʼelik li videoetike.

• Alik li kʼusitik tsots skʼoplale.

PASO LIʼE:

• Saʼo kʼusiuk tratadoal, li ta spate akʼo iluk li kodigo ti te chtakvan batel li ta video ¿Kʼu yuʼun skʼan jchantik li Vivliae?

• Akʼo iluk li video ¿Kʼu yuʼun xuʼ jchʼuntik ti melel kʼusi chal li Vivliae? xchiʼuk akʼo li foyeto Lekil aʼyejetik[e]. Albo skʼoplal li xchanobil 3.