LI JKUXLEJALTIKE

Li balumile «laj yuchʼ ochel li ukʼume»

Ti kʼu xa sjalil likem talel li kuxlejale, junantik j-abteletike skoltaojik talel li steklumal Jeovae (Esd 6:1-12; Est 8:10-13). Li ta jkʼakʼaliltik eke kilojtik kʼu yelan «li balumile», jaʼ xkaltik li j-abteletik ti xaʼibeik smelolale, laj yuchʼ ochel xkaltik «li ukʼum» ti jaʼ li vokoliletik chakʼ talel li Satanase (Ap 12:16). Li Jeova ti jaʼ chkoltavane stijojbe yoʼonton epal ajvaliletik sventa skolta li steklumale (Sl 68:20; Pr 21:1).

¿Mi ochemot ta chukel ta skoj li xchʼunel avoʼontone? Teuk me ta ajol ti te xchabiojot li Jeovae (Gé 39:21-23; Sl 105:17-20). Xuʼ me xapat avoʼonton ti chakʼbot amoton ta skoj li xchʼunel avoʼontone yuʼun xuʼ skolta epal ermanoetik ta spʼejel balumil li kʼusi yakal chanuptan sventa tukʼ xakʼ sbaik ta stojolal li Jeovae (Flp 1:12-14; Ap 2:10).

MI LA AKʼELIK LI VIDEO LOKʼIK TA CHUKEL ERMANOETIK TA COREA DEL SUR, TAKʼIK LI SJAKʼOBILTAK LIʼE:

¿Kʼu chaʼal ti ta toʼox xichʼik tikʼel ta chukel ta smilal noʼox ermanoetik li ta Corea del Sure?
¿Kʼusi kʼot ta nopel yuʼunik li snail chapanobbail sventa xlokʼik noʼox ta chukel junantik kermanotike?
¿Kʼuxi xuʼ jkoltaik li ermanoetik ti tikʼilik ta chukel ta spʼejel balumil ta skoj li xchʼunel yoʼontonike?
¿Kʼuxi xuʼ lek jtunes jkʼakʼaltik li voʼotik ti muʼyuk tikʼilutik ta chukele?
Ta skoj ti oy kʼusi lek kʼotemik ta pasel ta snail chapanobbaile, ¿buchʼu ti sta-o xichʼ toybel skʼoplale?

Jun chukinab ta Corea ti bu laj yichʼ chukel junantik stestigotak Jeovae. Li ermanoetike la stakik batel kartaetik li ta Betel ta Coreae xchiʼuk laj yichʼik akʼbel li ermanoetik ti ochemik ta chukele. Jun totil xchiʼuk skerem ti tsmey sbaik kʼalal la xchaʼta sbaike — ¿Kʼu yelan ta jtunes li jkʼakʼal ti muʼyuk tikʼilun ta chukele?