Jpastik orasion ta stojolalik li ermanoetik ti chil svokolike

Li ta Vivliae yaloj xa onoʼox ti chakʼ jvokoltik li Satanas sventa mu jcholtik li mantale (Jn 15:20; Ap 12:17). ¿Mi oy kʼusi xuʼ jpastik ta stojolal li ermanoetik ti yakal chil svokolike? Oy, xuʼ jpastik orasion ta stojolalik. Li Vivliae chal ti kʼalal tspas orasion li jun tukʼil vinike toj ep sbalil (Snt 5:16).

¿Kʼusi xuʼ jkʼantik li ta j-orasiontike? Jkʼanbetik Jeova ti akʼo yakʼbe stsatsal yoʼonton li ermanoetike xchiʼuk ti akʼo skolta sventa mu xiʼike (Is 41:10-13). Jech noxtok, jkʼanbetik Jeova ti akʼo yakʼik jcholtik-o mantal li j-abteletike, «sventa jech-o muʼyuk kʼusi jnaʼtik xchiʼuk junuk koʼontontik xijkuxi» (1Ti 2:1, 2).

Kʼalal laj yil svokolik li Pablo xchiʼuk Pedroe, li yajtsʼaklomtak Kristoe la spasik orasion ta stojolik xchiʼuk laj yalbeik sbi kʼalal la spasik orasione (Ech 12:5; Ro 15:30, 31). Mi mu jnabetik sbi skotol li buchʼutik yakal chil svokolike, xuʼ xkaltik li sbi stsobobbailike, li slumalike o ti bu jotukal xkom li snaike.

Tsʼibao li bu lumal chakʼan chapasbe orasion ta stojolalik li ermanoetik ti yakal chil svokolike.