KʼUSITIK KʼUPIL SBA TA VIVLIA | JENESIS 15-17
¿Kʼu yuʼun laj yichʼ jelbel sbiik yuʼun Jeova li Abran xchiʼuk Saraie?
Muʼyuk bu ta tabel smul Abran laj yil li Jeovae. Kʼalal albat mas ta sventa li kʼusi albil chkʼot ta stojolale, laj yichʼ jelbel sbiik xchiʼuk li yajnile, li biil akʼbatike oy kʼusi skʼan xal.
Jech kʼuchaʼal smelolal li sbiike, li Abraane kʼot ta totil yuʼun epal lumetik, li Sarae kʼot ta meʼil yuʼun epal ajvaliletik.
Abraan
«Totil yuʼun epal lumetik»
Sara
«Yutsʼ yalal ajvalil»
Muʼyuk ta jtʼuj jbi jtuktik kʼalal chijvokʼutike. Pe xuʼ jpastik jech kʼuchaʼal li Abraan xchiʼuk Sara ti lekuk jkʼoplaltike. Xi jakʼbe jbatike:
¿Kʼusi skʼan jpas sventa chʼabaluk jpaltail xil li Jeovae?
¿Mi yakal chkakʼ persa sventa lekuk jkʼoplal ta stojolal li Jeovae?