¿Kʼusi ti mas tsots skʼoplal chkaʼi ta jkuxlejale?

Li Jakobe la stsak ta kʼop jun anjel sventa x-akʼbat bendision yuʼun li Jeovae (Je 32:24-31; Os 12:3, 4). Li voʼotike, ¿mi yakal chkakʼtik persa ta xchʼunbel smantal Jeova sventa xakʼbutik li sbendisione? Jech kʼuchaʼal liʼe, ¿kʼusi ta jpastik mi jaʼo oy tsobajel kʼalal chkichʼtik to albel ti xij-abtejutik to mase? Mi jaʼ chkakʼbetik Jeova li jkʼakʼaltik, li kipaltik xchiʼuk li kʼusitik oy kuʼuntike, chakʼbutik me ep bendision, vaʼun oy noʼox me kʼusi x-ayan kuʼuntik (Mal 3:10). Jaʼ tsbeiltasutik, chchabiutik xchiʼuk chakʼbutik li kʼusitik chtun kuʼuntike (Mt 6:33; Ebr 13:5).

MI LA AKʼELIK LI VIDEO PASO LI KʼUSI ANOPOJ CHATA TA MANTALE, TAKʼIK LI SJAKʼOBILTAK LIʼE:

• 

  ¿Kʼusi vokolil la snuptan li ermanae?

• 

  ¿Kʼuxi chakʼ jvokoltik bakʼintik li kabteltike?

• 

  ¿Kʼu yuʼun oy to kʼusitik skʼan sta ta mantal li Timoteo akʼo mi lek xa ox yij ta mantale? (1Ti 4:16).

• 

  ¿Kʼuxi chkakʼtik ta ilel ta jtaleltik li kʼusi mas tsots skʼoplal chkaʼitike?