¿Mi chakʼan chabat li ta Chanob vun sventa j-al lekil aʼyejetike?

Mi tikʼilot ta 23 xchiʼuk mi mu xjelav ta 65 li ajabilale, mi chatun ta tsʼakal ora, mi mu masuk xanaʼ xa-ipaj xchiʼuk mi chakʼan chabat ti bu chtun mas koltaele, ¿kʼu yuʼun mu xanojes li solisitud sventa Chanob vun sventa j-al lekil aʼyejetik yuʼun Ajvalilal yuʼun Diose? Ti kʼuxi like ta smilal xa noʼox nupultsʼakaletik, ermanaetik xchiʼuk ermanoetik ti muʼyuk snup xchiʼilike tskʼan chbatik. Pe chtun mas ermanoetik ti muʼyuk to snup xchiʼilik ti akʼo snojesik li solisitude. Kʼanbo Jeova ti x-ayan ta avoʼonton ti chatun mas ta stojolale xchiʼuk ti xachanbe stalelal li Xnichʼone (Sl 40:8; Mt 20:28; Ebr 10:7). Mi laje, nopbo skʼoplal kʼuxi xuʼ jutuk xa noʼox xa-abtej o li kʼusitik abainoj ta avutsʼ avalal sventa xuʼ xabat li ta chanune.

¿Kʼusi spasojik li buchʼutik ayemik xa ta chanune? Junantike te yichʼojik takel batel ti bu chkʼopojik ta yan kʼope, yantik xtoke te chcholik mantal ta mukʼtik lumetik. Jlome chtunik ta jkʼelvanej ta sirkuito sustituto, ta jkʼelvanej ta sirkuito o ta misioneroetik ti te oyik ta territorioe. Yoʼ to chanop kʼuxi xuʼ chatun mase, chanbo stalelal li j-alkʼop Isaiase: «¡Liʼ oyun voʼone! ¡Takun batel!» (Is 6:8).

MI LA AKʼELIK LI VIDEO MISIONEROETIK TI TE OYIK TA TERRITORIOE: YAKALIK TA CHOLMANTAL, TAKʼIK LI SJAKʼOBILTAK LIʼE:

• 

  ¿Kʼuxi chichʼ tʼujel li misioneroetik ti chbat tunikuk li ta territorioe?

• 

  ¿Kʼusi lekil abtelal yakal tspasik li misioneroetike?

• 

  ¿Kʼusi yakal tskʼupinik li misioneroetike?