Totil meʼiletik, chanubtaso xa noʼox li avalab anichʼnabike

Kuxulutik ta jun balumil ti bu chalik ti jaʼ lek li kʼusi chopole xchiʼuk ti jaʼ chopol li kʼusi leke (Is 5:20). Avie, oy ep krixchanoetik ti jaʼ tspasik li kʼusi muʼyuk lek chil Jeovae, taje te smakojbe skʼoplal li buchʼu lek chil xchiʼil noʼox ta vinikal o ta antsile. Li kalab jnichʼnabtike xuʼ me x-akʼbat snopik ti muʼyuk chopol kʼusi yakal tspasik li xchiʼiltak ta chanun xchiʼuk li yan krixchanoetike. Totil meʼiletik, ¿kʼuxi xuʼ xachanubtas avalab anichʼnabik sventa snaʼ kʼusi tspasik kʼalal jech tsnuptanike?

Akʼbo yojtikin lek li Smantaltak Jeovae (Le 18:3). Ta sbikʼtal noʼox me akʼbeik yil kʼusi chal Vivlia ta sventa li chiʼinejbail ta vayele (Dt 6:7). Xi xa jakʼbe abaike: «¿Mi jchanubtasoj li kalab jnichʼnabtak ti oy noʼox smelolal ti kʼu yelan xuʼ x-akʼbatik ta ilel kʼanelal yuʼun yantike? ¿Mi snaʼoj xa ti tsots skʼoplal ti oyuk noʼox smelolal ti kʼu yelan tslap skʼuʼ spokʼike? ¿Mi snaʼoj xa ti skʼan xchabi sbekʼtal sventa mu buchʼu xkʼelate? Xchiʼuk ¿mi snaʼ kʼusi tspasik mi x-akʼbatik ta ilel pornografia o ti x-albatik ti akʼo spasik li kʼusi muʼyuk leke?». Mi jchanubtasojtik ta sventa taje, jaʼ me chkoltaatik sventa mu xil svokolik (Pr 27:12; Ek 7:12). Mi jech ta jpastike, jaʼ jech chkakʼtik ta ilel ti oy sbalil chkiltik li matanal yakʼojbutik Jeovae (Sl 127:3).

MI LA AKʼELIK LI VIDEO JVAʼANTIK JPʼEJUK NA TI XKUCH YUʼUNE — JCHABI LI KALAB JNICHʼNABTIK «TA SVENTA LI KʼUSI CHOPOLE», TAKʼIK LI SJAKʼOBILTAK LIʼE:

• 

  ¿Kʼu yuʼun vokol chaʼiik junantik totil meʼiletik ti xchiʼinik ta loʼil yalab xnichʼnabik ta sventa li chiʼinejbail ta vayele?

• 

  Li totil meʼiletike, ¿kʼu yuʼun skʼan jech xchanubtas yalab xnichʼnabik jech kʼuchaʼal tskʼan li Jeovae? (Ef 6:4).

• 

  ¿Kʼusitik slokʼesoj li s-organisasion Jeova sventa skolta li totil meʼiletike? (w19.05 paj. 12).

• ¿Kʼu yuʼun tsots skʼoplal ti skʼan lekuk xavil aba xchiʼuk avalab anichʼnab kʼalal mu to kʼusi tsnuptanike?