KʼUSITIK KʼUPIL SBA TA VIVLIA

Lek chapal yuʼun steklumal li Jeovae

[Akʼo ta ilel li video Yaʼyejal slivroal Numeros].

Li bu la spas skarpanaik li j-israeletike chʼakbilik ta ox-oxvokʼ nitilulal (Nu 1:52, 53; w94 1/12 paj. 9 par. 4).

Ti bu la spas skarpanaik li j-israeletike te van mas ta oxib miyon yepalik (Nu 2:32, 33; it-1 paj. 403 par. 1).

Li Jeovae mu skʼupin kʼalal muʼyuk smelol kʼu yelan chkichʼtik ta mukʼe. Jaʼ yuʼun, la xchapan lek li steklumal Israel ta voʼnee xchiʼuk jaʼ jech tspas ta jtojolaltik ek (1Ko 14:33, 40).

Splanoal ti bu spasoj skarpanaik li j-israeletike. Te ta oʼlol li axibalnae. Li ta stsʼel li axibalnae te oy li yutsʼ yalaltak Levie: li yutsʼ yalal Aarone te oy ta slokʼeb kʼakʼal, li jkoatetike te oyik ta sur, li jguersonetik te oyik ta smaleb kʼakʼal xchiʼuk li jmerarietike te oyik ta norte. Ta mas nom nom jutuke jaʼ te oy li 12 ta chop snitilulal Israele: li ta slokʼeb kʼakʼale te oyik li Isakar, Juda xchiʼuk Sabulon; li ta sure te oyik li Gad, Ruben xchiʼuk Simeon; li ta smaleb kʼakʼale te oyik li Benjamin, Efrain xchiʼuk Manases, li ta nortee te oyik li Neftali, Dan xchiʼuk Aser.

XI XAJAK’BE ABAE: «¿Kʼuxi xuʼ jkolta jba ta sjunul koʼonton li ta s-organisasion Jeovae?».