LI JKUXLEJALTIKE
Jchapan jbatik ti nopol xa li slajebal kʼakʼale
Jnaʼojtik ti yantik ch-epaj batel jvokoltik ta skoj ti mas xa nopol li slajebal kʼakʼale (2Ti 3:1; Mt 24:8). Pe li steklumalutik Jeovae nopoltik noʼox chkichʼtik albel kʼusi xuʼ jpastik kʼalal ch-echʼ nikel, nojelal ta voʼ o yan kʼusitike. Mi ta jchʼuntik mantal, mi ta jchapantik li kʼusi chtun kuʼuntike xchiʼuk li kʼusitik ta sventa mantale, kuxul me chijkom (Lu 16:10).
Chapano aba ta mantal. Nopeso aba ti xachan Avivliae, ti xachanunaj atuke xchiʼuk jeltos kʼutik yelan xachol mantal. Mu xaxiʼ mi oy kʼuuk sjalil mu stakʼ jmoj xatsob aba xchiʼuk li yan ermanoetike (Is 30:15). Teuk ta ajol ti te xchiʼinojot li Jeova xchiʼuk Jesuse (od paj. 175, 176 par. 15-17).
Chapano li kʼusi chtun avuʼunike. Maʼuk noʼox skʼan xachapan li amochilaik ti te atikʼojik li kʼusitik mas tsots skʼoplale, yuʼun skʼan xa noʼox xachapanik kʼuuk yepal aveʼelik, avaʼalik, apoxilik xchiʼuk li yan kʼusitik ti xuʼ xtun avuʼunik mi oy bu jal sk’an chanakʼ abaike (Pr 22:3; g17.5-S paj. 4, 6).
MI LA AKʼELIK LI VIDEO KʼUSI SKʼAN JPASTIK MI TAL NIKEL, NOJELAL TA VOʼ O YAN KʼUSITIK, TAKʼIK LI SJAKʼOBILTAK LIʼE:
¿Kʼuxi xuʼ chapalutik xa onoʼox ta mantal mi echʼ nikel, nojelal ta voʼ o yan kʼusitike?
¿Kʼu yuʼun toj tsots skʼoplal ti...
... snaʼik kʼu kelantik o bu oyutik li moletik ta tsobobbaile?
... jchapantik li kʼusitik chtun kuʼuntike?
... xkalbetik skʼoplal li kʼusi xuʼ jnuptantike xchiʼuk li kʼusi skʼan jpastike?
¿Kʼusi oxtos xuʼ jpastik sventa jkoltatik li yantike?
XI XAJAKʼBE ABAE: «Kʼalal tal li COVID-19, ¿kʼuxi laj yakʼbun kil ti skʼan lek chapalune?».